الماتى وبلىسىنىڭ سولتۇستىگىندە, وڭتۇستىگىندە جانە تاۋلى اۋداندارىندا سولتۇستىك-باتىستان جەل سوعادى, ەكپىنى 17-22 م/س قۇرايدى.
تۇندە جانە تاڭەرتەڭ باتىس قازاقستان وبلىسىنىڭ باتىسىندا, سولتۇستىگىندە تۇمان تۇسەدى دەپ كۇتىلەدى. ورال قالاسىندا تۇندە جانە تاڭەرتەڭ تۇمان بولۋى ىقتيمال.
تۇندە جانە تاڭەرتەڭ اقتوبە وبلىسىنىڭ سولتۇستىگىندە تۇمان تۇسەدى دەپ كۇتىلەدى. اقتوبەدە تۇندە جانە تاڭەرتەڭ تۇمان بولۋى ىقتيمال.
پاۆلودار وبلىسىنىڭ سولتۇستىگىندە تۇمان تۇسەدى دەپ كۇتىلەدى, كۇندىز وبلىستىڭ سولتۇستىگىندە, شىعىسىندا باتىستان 15-20 م/س جىلدامدىقپەن جەل سوعادى.
كۇندىز تۇركىستان وبلىسىنىڭ تاۋلارىندا نوسەر جاڭبىر جاۋادى. سولتۇستىكتە, وبلىستىڭ تاۋلى اۋداندارىندا سولتۇستىك-شىعىستان جەل سوعادى, ەكپىنى 15-20 م/س جەتەدى.
كۇندىز سولتۇستىك قازاقستان وبلىسىنىڭ سولتۇستىگىندە, شىعىسىندا سولتۇستىك-باتىستان ەكپىنى 15-20 م/س جەل سوعادى, كۇندىز پەتروپاۆلدا سولتۇستىك-باتىستان 15-20 م/س جىلدامدىقپەن جەل سوعادى دەپ كۇتىلەدى.
جەتىسۋ وبلىسىنىڭ الاكول اۋدانىندا شىعىستان سوققان جەلدىڭ ەكپىنى 15-20, كەي تۇستا 23-28 م/س قۇرايدى دەپ كۇتىلەدى.
