قازاقستان مەن نيدەرلاند اراسىنداعى ديپلوماتيالىق قارىم-قاتىناستىڭ 30 جىلدىق مەرەيتويىنا وراي ەكى ەلدىڭ ەلشىلەرى بوتانيكالىق باققا 15 ءتۇپ قاراعاي ەكتى. اكتسياعا تەك قانا ديپلوماتتار ەمەس, بيزنەسمەندەر, سونىمەن قاتار, نيدەرلاندتىڭ اۋىل شارۋاشىلىعى, تابيعات جانە ازىق-ت ۇلىك ساپاسى مينيسترلىگىنىڭ ارنايى وكىلى فرەدەريك ۆوسسەناار مەن «Kazakh Invest» اق وكىلدەرى قاتىستى.
ء«بىز بۇل مەرەيتويدى ەرەكشە اتاپ وتكىمىز كەلدى, سوندىقتان, اعاش ەگىپ, ەكولوگيالىق اكتسيا وتكىزدىك. نيدەرلاند ەلىمەن اراداعى دوستىقتى جوعارى باعالايمىز جانە جىلدار وتكەن سايىن بۇل دوستىق ودان سايىن نىعايىپ, جەمىستى بولا تۇسەدى دەگەن ۇمىتتەمىز», دەپ اتاپ ءوتتى ا. جۇماعاليەۆ.
ءوز كەزەگىندە, قازاقستانداعى نيدەرلاند ەلشىسى اندرە كارستەنس «ەكى ەل اراسىنداعى جىلى قارىم-قاتىناس ۇزاققا سوزىلا بەرەدى» دەگەن ءۇمىتىن جەتكىزدى.
ء«بىز دوستىعىمىزدىڭ قۇرمەتىنە وراي اعاش ەكتىك. 2 قاراشا كۇنى ءدال وسى ساياباقتا قىزعالداق گ ۇلىنىڭ ەسكەرتكىشى اشىلادى. بۇل ءبىزدىڭ ەلىمىزدىڭ سىيلىعى جانە ەكى ەل اراسىنداعى ماڭگى دوستىقتىڭ سيمۆولى بولماق», دەدى ول.
