بۇل جولى دا ققق زەرتتەۋى تاۋەلسىز ساراپشىلار, وتاندىق بانك, ساقتاندىرۋ كومپانيالارى, بروكەرلىك ۇيىمدار قازىناشىلىق بولىمشەلەر ماماندارىنىڭ پىكىرىنە نەگىزدەلىپ, جاسالعان. تارقاتىپ ايتقاندا, ۆrent ماركالى مۇنايدىڭ باعاسى, اقش دوللارىنىڭ قازاق تەڭگەسىنە جانە رەسەيلىك رۋبلگە قاتىستى قۇنى, ينفلياتسيا, ۇلتتىق بانكتىڭ بازالىق مولشەرلەمەسى ەسەپكە الىنعان.
ساراپشىلار بۇل جولى «26 قازانعا بەلگىلەنگەن كەزەكتى وتىرىسىندا ۇلتتىق بانك بازالىق مولشەرلەمەگە قاتىسى قانداي شارا قولدانۋى مۇمكىن؟» دەگەن باعىتقا باسىمدىق بەرىپ وتىر. وسىعان دەيىن ساراپشىلاردىڭ 50%-ى بازالىق مولشەرلەمەنىڭ كوتەرىلۋىن كۇتسە, 43%-ى «بۇگىنگى دەڭگەيدە قالادى» دەپ ەسەپتەيدى, تاعى 7%-ى «مولشەرلەمە تومەندەيدى» دەگەن پىكىرگە باسىمدىق بەرەتىنى بەلگىلى بولعان.
سونداي-اق وتاندىق قارجىگەرلەر بيىل قاراشانىڭ باسىندا اقش دوللارىنىڭ قازاق تەڭگەسىنە قاتىستى ورتاشا باعامى $1–477,1 تەڭگە دەڭگەيىندە قالىپتاسۋى مۇمكىن ەكەنىن ايتقان. ال كەلەسى جىلعى كورسەتكىش 496,4 تەڭگە شاماسىندا تۇراقتايدى دەپ كۇتىلۋدە. بۇعان دەينىگى بولجام 492 تەڭگە بولاتىن.
ال مۇناي باعاسى الداعى 12 ايدا جوعارى دەڭگەيدە قالا بەرمەك.
«مۇنايدىڭ باعاسى جوعارى دەڭگەيدە قالادى دەگەن بولجامدار ەلىمىزدىڭ ءجىو ديناميكاسىنا ءتيىستى دەڭگەيدە اسەر ەتپەك. ساراپشىلاردىڭ پايىمىنشا, ءبىر جىلدان كەيىن ەل ەكونوميكاسى 3,2%-عا ءوسۋى ءتيىس (اعىمداعى كورسەتكىش – 3,2%)», دەپ تۇيىندەيدى قازاقستان قارجىگەرلەرى قاۋىمداستىعىنىڭ ساراپشىلارى.
