«قازاقستان كەڭەس توراعاسى رەتىندە اوسشك پروتسەسىن ودان ءارى ىلگەرىلەتۋ بويىنشا كۇش-جىگەردى ارتتىرۋعا نيەتتى. مۇشە مەملەكەتتەر كورسەتكەن قولداۋدىڭ ارقاسىندا بۇل ايتارلىقتاي ناتيجە كورسەتتى. وتكەن جىلى اوسشك سەنىم شارالارىنىڭ كاتالوگى قايتا قارالدى, وعان ەپيدەميولوگيالىق قاۋىپسىزدىك, دەنساۋلىق ساقتاۋ جانە فارماتسەۆتيكا, اقپاراتتىق جانە كوممۋنيكاتسيالىق تەحنولوگيالار قاۋىپسىزدىگى سياقتى ىنتىماقتاستىقتىڭ جاڭا باسىم باعىتتارى ەنگىزىلدى», دەدى پرەزيدەنت.
جيىن بارىسىندا قاسىم-جومارت توقاەۆ اوسشك دانىشپاندار كەڭەسى قۇرىلعانىن حابارلادى.
ء«بىز كەڭەسشى ورگان – اوسشك دانىشپاندار كەڭەسىن قۇردىق. ونىڭ قۇرامىنا باي تاجىريبەسى مەن ءبىلىمى ءبىزدىڭ بىرلەسكەن كۇش-جىگەرىمىزدى جۇزەگە اسىرۋعا ىقپال ەتەتىن كورنەكتى ساياسي جانە قوعام قايراتكەرلەرى كىرەدى», دەپ اتاپ ءوتتى مەملەكەت باسشىسى.
بۇدان سوڭ, قازاقستان پرەزيدەنتى اوسشك قورى قۇرىلاتىنىن حابارلادى.
«اوسشك تالداۋ ورتالىقتارىنىڭ فورۋمى تاجىريبە مەن يدەيالارمەن الماسۋ, بىرلەسكەن زەرتتەۋ جوبالارىن ىسكە اسىرۋ ءۇشىن ازيانىڭ تۇكپىر-تۇكپىرىنەن كەلگەن ساراپشىلار مەن ماماندار ءۇشىن امبەباپ پلاتفورما رەتىندە قىزمەت ەتەتىن بولادى. بيىل استانادا اوسشك ىسكەرلىك كەڭەسى مەن بيزنەس-فورۋمى, سونداي-اق اوسشك جاستار كەڭەسىنىڭ بەسىنشى وتىرىسى ءوتتى. بۇگىن اوسشك قورى قۇرىلادى. ونىڭ ماقساتى - ەرىكتى قاراجات جيناۋ ءۇشىن ارنايى تەتىك قۇرۋ. سونداي-اق باقىلاۋشىلار مەن سەرىكتەستەردىڭ سانى ارتىپ كەلەدى. اوسشك باقىلاۋشىسى رەتىندە تۇرىكمەنستان قوسىلدى. ەۋرازيالىق ەكونوميكالىق وداقپەن جانە وڭتۇستىك-شىعىس ازيا مەملەكەتتەرى قاۋىمداستىعىمەن ىنتىماقتاستىق ورناتۋ تۋرالى شەشىمدەر قابىلداندى», دەپ تۇيىندەدى قاسىم-جومارت كەمەل ۇلى.
