ء«بارىمىزدى بەيبىتشىلىك پەن ىنتىماقتاستىققا دەگەن ورتاق ۇمتىلىس بىرىكتىرەدى. بىراق ءبىزدىڭ جاسامپاز كۇش-جىگەرىمىزگە قاراماستان, الەم قاۋىپسىز بولا بەرمەيدى. بۇگىن ءبىز بۇرىن-سوڭدى بولماعان گەوساياسي داۋىل مەن الەمدىك ەكونوميكانىڭ ءوسىپ كەلە جاتقان داعدارىسى جاعدايىندا ءومىر ءسۇرىپ جاتىرمىز. بۇل قۇبىلىس قازىردىڭ وزىندە «جاھاندىق ديسفۋنكتسيا» دەپ اتالدى. 2019 جىلى اوسشك-ءنىڭ الدىڭعى ءسامميتى وتكىزىلگەننەن بەرى الەمدىك قوعامداستىق اۋىر سىناقتاردان ءوتتى, ونىڭ تەرىس سالدارى جاھاندىق دامۋعا اسەر ەتتى», دەدى پرەزيدەنت.
بۇدان سوڭ, مەملەكەت باسشىسى اوسشك مىندەتىن اتاپ ءوتتى.
«مەنىڭ ويىمشا, ءبىزدىڭ الدىمىزدا تۇرعان اسا ماڭىزدى مىندەت - بۇرىن-سوڭدى بولماعان قاۋىپ-قاتەرلەر جاعدايىندا حالىقارالىق قاتىناستاردا تۇراقتىلىققا قول جەتكىزۋ. كوپجاقتى مەحانيزمدەرگە جاڭا سەرپىن بەرۋ جانە اشىق ديالوگقا ورالۋ وتە ماڭىزدى. ەڭ الدىمەن, ءبىز ازيا كونتينەنتىنىڭ حالىقارالىق قاتىناستاردىڭ جاھاندىق جۇيەسىندەگى ماڭىزىن نىعايتۋ ماقساتىندا الەمنىڭ جاڭا كۇن ءتارتىبىن قالىپتاستىرۋعا كۇش سالۋىمىز كەرەك. وزدەرىڭىز بىلەتىندەي, ازيا ادامزات وركەنيەتىنىڭ دامۋىنا ۇلكەن ۇلەس قوستى», دەدى قاسىم-جومارت توقاەۆ.
