ەلدىڭ سىرتقى ىستەر مينيسترلىگى ءباسپاسوز قىزمەتىنىڭ حابارلاۋىنشا, سايلاۋدا بۇۇ-عا مۇشە 126 مەملەكەت قىرعىزستاندى قولداعان. ازيا-تىنىق مۇحيتى ايماعىنان ءتورت ورىن ءۇشىن كۇرەسكە التى مەملەكەت (قىرعىزستان, اۋعانستان, بانگلادەش, ۆەتنام, مالديۆ ارالدارى جانە كورەيا رەسپۋبليكاسى) قاتىستى.
«قىرعىز رەسپۋبليكاسىنىڭ وسىنداي بەدەلدى حالىقارالىق ورگانعا كەزەكتى سايلانۋى الەمدىك قوعامداستىقتىڭ ادام قۇقىقتارى سالاسىنداعى جەتىستىكتەرىن جانە ونىڭ ادام قۇقىقتارىن, نەگىزگى بوستاندىقتاردى, دەموكراتيالىق دامۋدى قورعاۋ جانە ىلگەرىلەتۋ جونىندەگى جاھاندىق ناۋقانعا قوساتىن بولاشاق ۇلەسىن مويىنداۋى بولىپ تابىلادى», دەلىنگەن قىرعىز رەسپۋبليكاسىنىڭ سىرتقى ىستەر مينيسترلىگى حابارلاماسىندا.
بۇعان دەيىن قىرعىزستان 2009-2012 جانە 2016-2018 جىلدارى بۇۇ-نىڭ ادام قۇقىقتارى جونىندەگى كوميتەتىنىڭ مۇشەسى بولعان. كەڭەس مۇشەلەرى ءۇش جىل قىزمەت ەتەدى جانە قاتارىنان ەكى وكىلەتتىك مەرزىمىنەن كەيىن دەرەۋ قايتا سايلانۋعا قۇقىعى جوق. كەڭەسكە مۇشە بولۋ ادام قۇقىقتارى سالاسىنداعى جوعارى ستاندارتتاردى ساقتاۋ ءۇشىن جاۋاپكەرشىلىكتى قامتيدى.
