جانار مىقتىبەكقىزى 1977 جىلى تۋعان. ح.ا.ياسساۋي اتىنداعى حالىقارالىق قازاق-تۇرىك ۋنيۆەرسيتەتىن «ەمدەۋ ءىسى» ماماندىعى بويىنشا جانە «ميراس» ۋنيۆەرسيتەتىن «مەنەدجمەنت», «نارحوز ۋنيۆەرسيتەتى» كوممەرتسيالىق ەمەس اكتسيونەرلىك قوعامىن «ىسكەرلىك اكىمشىلىك» ماماندىقتارى بويىنشا بىتىرگەن. مەديتسينا عىلىمدارىنىڭ كانديداتى (2010 ج.).
ول ەڭبەك جولىن 2000 جىلى ح.ا.ياسساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ تەراپيا بويىنشا ينتەرناتۋراسىندا تەراپەۆت بولىپ باستاعان.
ءار جىلدارى وڭتۇستىك قازاقستان مەملەكەتتىك مەديتسينالىق فارمەتسەۆتيكالىق اكادەمياسىنىڭ ىشكى اۋرۋلار فاكۋلتەتتىك تەراپيا جانە پروپەدەۆتيكا كافەدراسىنىڭ وقىتۋشىسى, وڭتۇستىك قازاقستان وبلىسى شاردارا اۋداندىق ەمحاناسىنىڭ دارىگەر-تەراپەۆتى, باس اۋداندىق تەراپەۆتى, شاردارا ورتالىق اۋداندىق اۋرۋحاناسىنىڭ باس دارىگەردىڭ ەمدەۋ جونىندەگى ورىنباسارى, شاردارا اۋداندىق ورتالىق ەمحاناسىنىڭ باس دارىگەرى, اۋداندىق ورتالىق اۋرۋحاناسىنىڭ باس دارىگەرى, تۇركىستان قالالىق ەمحاناسىنىڭ باس دارىگەرى, تۇركىستان وبلىسى اكىمىنىڭ كەڭەسشىسى, تۇركىستان وبلىسىنىڭ دەنساۋلىعى باسقارماسى باسشىسىنىڭ ورىنباسارى, «جانۇيا» قازاقستاندىق الەۋمەتتىك-مەديتسينالىق كومپانياسى» جانە «سالاۋاتتى استانا العاشقى مەديتسينالىق-سانيتارلىق كومەك كلينيكاسى» جشس ديرەكتورى قىزمەتتەرىن اتقارعان.
2021 جىلعى مامىردان باستاپ بۇگىنگى كۇنگە دەيىن جامبىل وبلىسى اكىمدىگىنىڭ دەنساۋلىق ساقتاۋ باسقارماسىنىڭ «مەركى اۋداندىق ورتالىق اۋرۋحاناسى» شارۋاشىلىق جۇرگىزۋ قۇقىعىنداعى مەملەكەتتىك كوممۋنالدىق كاسىپورنىنىڭ باس دارىگەرى لاۋازىمىندا ەڭبەك ەتىپ كەلدى.
