بۇگىندە «اقتوبە – قاندىعاش» ۋچاسكەسىندە 5 785 مىڭ م3 جەر توسەمى توسەلگەن. جولدىڭ 28,5 شاقىرىمىندا نەگىزدىڭ قوسىمشا قاباتى, 28 شاقىرىمىندا نەگىزدىڭ تومەنگى جانە 26,5 شاقىرىمىندا جوعارعى قاباتى, ال 22,5 شاقىرىمىندا جابىننىڭ تومەنگى قاباتى ورناتىلعان. جوبا بويىنشا بارلىعى 1 160 مىڭ توننا اسفالتبەتون توسەلۋ قاجەت. قازىرگى كۇنگە دەيىن جول جابىنىنىڭ 288 مىڭ تونناسى توسەلگەن. قوزعالىس ءبىر جولاقتا 41 شاقىرىم بويىندا اشىلعان. بيىلعى جىلدىڭ سوڭىنا دەيىن تاعى 16 شاقىرىمدى قوزعالىسپەن قامتاماسىز ەتۋ كوزدەلگەن.
ال «قاندىاعاش – ماقات» ۋچاسكەسىندە كولىك قوزعالىسى 299 شاقىرىم بويىمەن تولىق قامتاماسىز ەتىلگەن. قازىرگى ۋاقىتتا جولدى اباتتاندىرۋ جۇمىستارى جۇرگىزىلۋدە. «اتىراۋ – رف شەكاراسىنا دەيىن (استراحانعا)» ۋچاسكەسى بويىنشا قوزعالىس 277 شاقىرىمنىڭ 130 شاقىرىمىندا اشىلماق. جوبانى تولىق اياقتاۋ 2023 جىلعا قاراي جوسپارلانعان.
سونىمەن قاتار تولەگەن ابدۋللين مەردىگەر ۇيىمدارمەن جانە «قازاۆتوجول» ۇك» اق, «جول اكتيۆتەرىنىڭ ۇلتتىق ساپا ورتالىعى» رمك وبلىستىق فيليالدارىنىڭ وكىلدەرىمەن جانە قۇرىلىستى قاداعالاۋ جونىندەگى كونسۋلتانتتارمەن كەڭەس وتكىزدى. جيىن سوڭىندا كوميتەت توراعاسى مەردىگەرلىك ۇيىمدارعا ۋچاسكەلەردىڭ قىسقى كەزەڭدە پايدالانۋعا دايىندىعىن قامتاماسىز ەتۋدى جۇكتەدى. سونداي-اق جاۋاپتى تۇلعالارعا 2023 جىلعى قۇرىلىس ماۋسىمىنا جول-قۇرىلىس ماتەريالدارىن دايىنداۋدى, ونىڭ ىشىندە جابىننىڭ جوعارعى قاباتى ءۇشىن پوليمەر-موديفيكاتسيالانعان بيتۋمدى قولدانۋدى ەسكەرە وتىرىپ, قامتاماسىز ەتۋدى مىندەتتەدى.
بۇدان بولەك, تولەگەن ابدۋللين «اقتوبە – قاندىاعاش» ۋچاسكەسى بويىنشا اۆتوكولىك قۇرالدارىنىڭ وڭ جاعىمەن قاۋىپسىز جانە ۇزدىكسىز قوزعالىسپەن قامتاماسىز ەتۋدى تاپسىردى. ال «قاندىاعاش – ماقات» ۋچاسكەسى بويىنشا اعىمداعى جىلدىڭ 25 قازانىنا دەيىنگى مەرزىمدە قوزعالىس قاۋىپسىزدىگىنە اسەر ەتەتىن اقاۋلاردى جويۋدى جۇكتەدى.
ء«بىزدىڭ الدىمىزدا شۇبارقۇدىق جانە نوعايتى كەنتتەرىندەگى ەكسپلۋاتاتسيالىق پۋنكتتەردىڭ قۇرىلىسىن اياقتاۋ مىندەتى تۇر. جولداردى اباتتاندىرۋ جانە جول تاڭبالارىن بەلگىلەۋ, مايىسقان ەلەمەنتتەردى تۇزەتىپ, وسىعان دەيىن انىقتالعان بارلىق اقاۋلاردى جويىپ, قىستىڭ كۇنى قاردان قورعايتىن قورشاۋلاردى ورناتۋ قاجەت. جاساندى قۇرىلىس ماڭىنداعى وزەن ارنالارىندا تازارتۋ جۇمىستارىن جۇرگىزۋ, جول جيەكتەرىندەگى ءشوپتى شاۋىپ, كارەرلەردى قالپىنا كەلتىرۋ دە ەرەكشە ماڭىزعا يە», دەپ اتاپ ءوتتى تولەگەن ابدۋللين.
ءوز كەزەگىندە جول اكتيۆتەرىنىڭ ۇلتتىق ساپا ورتالىعىنىڭ اقتوبە جانە اتىراۋ وبلىستىق فيليالدارىنىڭ قىزمەتكەرلەرىنە 15 قازانعا دەيىنگى مەرزىمدە ۋچاسكەلەر بويىنشا انىقتالعان اقاۋلاردى جويۋ ءۇشىن ۇسىنىستار مەن ءادىس-تاسىلدەردى ۇسىنۋ تاپسىرىلدى.
ال قۇرىلىستى قاداعالاۋ جونىندەگى كونسۋلتانتتارعا قۇرىلىس-مونتاجداۋ جۇمىستارىنىڭ دەر كەزىندە جانە ساپالى ورىندالۋىن, مەردىگەرلىك ۇيىمداردىڭ كەلىسىمشارتتىق مىندەتتەمەلەردى ىسكە اسىرۋىن باقىلاۋدى كۇشەيتۋ مىندەتى قويىلدى.
