ەر ادام فەرمادا ءۇش جىلقى تابىنى بار ەكەنىن ايتتى. مالدىڭ جۇرگەن جەرىن باقىلاپ وتىرۋ ءۇشىن ءار تابىنداعى جىلقىلاردىڭ بىرىنە GPS ترەكەرى بەكىتىلگەن. قىركۇيەك ايىنىڭ ورتاسىندا جوعالعان تابىندا بەلگى بولماعان. يەسى ىزدەۋدى ءوز بەتىنشە جالعاستىرعان.
قىلمىستى اشۋ ءۇشىن پوليتسيا باسقارماسىندا ەكى جەدەل-تەرگەۋ توبى قۇرىلعان. جەدەل جۇمىس ناتيجەسىندە ارقالىق پوليتسەيلەرى ەكى كۇن ىشىندە 46 جانە 47 جاستاعى ەكى كۇدىكتى رەتىندە اقمولا وبلىسىنىڭ تۇرعىندارىن انىقتاعان.
جەدەل ۋاكىلدەر كۇدىكتىلەردىڭ مال ۇرلاۋ ءۇشىن وبلىس اۋماعىنداعى جانە كورشى وڭىرلەردەگى جايىلىمداردى ماقساتتى تۇردە اينالىپ وتكەنىن انىقتادى. ەر ادامدار كولىكپەن جانە موتوتسيكلمەن جۇرگەن. تەرىساقان اۋىلىنان 200 شاقىرىم جول ءجۇرىپ ءوتىپ, جىلقىلار شوعىرىن بايقاعان ولار مالداردى اقمولا وبلىسىنا ايداپ اكەتۋدى ۇيعارادى. دالالىق جولدا جىلقى ۇرلاۋشىلار ۇرلانعان مالدى قوراعا ايداپ, ترەكەت سالىنعان جىلقىدان قۇرىلعىنى الىپ تاستايدى. كۇدىكتىلەر كەلەسى كۇنى مالدى اقمولا وبلىسىنىڭ تۇرعىندارىنا ساتىپ ۇلگەرگەن.
«اتالعان فاكتى بويىنشا قر قك 188-1-بابى «مال ۇرلىعى» بويىنشا سوتقا دەيىنگى تەرگەۋ جۇرگىزىلۋدە. قامىستى اۋدانىندا دا پوليتسەيلەر قىسقا مەرزىمدە جوعالىپ كەتكەن اعىلشىن-قاراشاي تۇقىمىنىڭ جىلقىسىن تاۋىپ, يەسىنە قايتاردى. اۋىل تۇرعىنى جەرگىلىكتى ۋچاسكەلىك باۋىرجان نۇرمانوۆتان كومەك سۇراعان. ىزدەۋ ءىس-شارالارى بارىسىندا پوليتسيا قىزمەتكەرى مالدى تاۋىپ, اۋىل تۇرعىنىنا قايتارىپ بەردى», دەپ جازىلعان Polisia.kz تاراتقان اقپاراتتا.
