«تمد مەملەكەت باسشىلارىنىڭ كەڭەسى – دوستاستىقتىڭ نەگىزگى ماسەلەلەرى تالقىلاناتىن جانە شەشىلەتىن جوعارعى ورگانى. تمد ءسامميتى قازاقستاننىڭ وسى ۇيىمعا توراعالىعى اياسىنداعى ماڭىزدى شارالاردىڭ بىرىنە اينالادى. پاندەميادان كەيىنگى كەزەڭدە العاش رەت تمد-عا مۇشە مەملەكەتتەردىڭ بارلىعى دەرلىك باسشىلارى بۇل ماڭىزدى شاراعا جەكە قاتىسادى», دەدى ايبەك سمادياروۆ سىرتقى ىستەر مينيسترلىگىندە وتكەن بريفينگتە.
ايبەك سمادياروۆتىڭ ايتۋىنشا, شاراعا ازەربايجان, ارمەنيا, بەلارۋس, قىرعىزستان, رەسەي, تۇرىكمەنستان, تاجىكستان, وزبەكستان باسشىلارى, سونداي-اق تمد اتقارۋ كوميتەتىنىڭ توراعاسى – اتقارۋشى حاتشىسى قاتىسادى.
«سامميتتە سوڭعى جىلدارى تمد ءىس-شارالارىنا قاتىسۋىن توقتاتقان ۋكراينانىڭ وكىلى بولمايدى. سونداي-اق مولدوۆا باسشىسى جۇمىس كەستەسىنىڭ تىعىزدىعىنا بايلانىستى قاتىسا المايدى», دەدى ول.
ء«ىس-شارا بارىسىندا دوستاستىق الاڭىندا ءوزارا ءىس-قيمىلدىڭ وزەكتى ماسەلەلەرىن تالقىلاۋ, ساۋدا-ەكونوميكالىق جانە مادەني-گۋمانيتارلىق سالالارداعى, سونداي-اق قازاقستانداعى ينتەگراتسيالىق بايلانىستاردى ودان ءارى دامىتۋعا جانە نىعايتۋعا باعىتتالعان بىرقاتار قۇجاتتاردى قاراۋ جانە قابىلداۋ جوسپارلانۋدا. اتاپ ايتقاندا, قاۋىپسىزدىك سالاسىنداعى ىنتىماقتاستىقتى ودان ءارى نىعايتۋ ماقساتىندا مەملەكەت باسشىلارى 2023-2025 جىلدارعا ارنالعان تەرروريزم مەن ەكسترەميزمگە قارسى كۇرەس سالاسىنداعى ىنتىماقتاستىقتىڭ كەزەكتى باعدارلاماسىن بەكىتەدى. مادەني قۇرامداس بولىكتىڭ ينتەگراتسيالىق ءوزارا ءىس-قيمىلداعى ەرەكشە ءرولى تۇرعىسىندا مەملەكەت باسشىلارى قازاقستان رەسپۋبليكاسىنىڭ باستاماسىمەن مادەنيەت سالاسىنداعى ىنتىماقتاستىقتى دامىتۋ تۋرالى مالىمدەمە قابىلداۋدى جوسپارلاپ وتىر», دەدى سىرتقى ىستەر مينيسترلىگىنىڭ رەسمي وكىلى.
مينيسترلىك سونداي-اق سايلاۋ ورگاندارى ارقىلى ءوزارا ءىس-قيمىلدى كوزدەيتىن, سونداي-اق سىبايلاس جەمقورلىققا قارسى ءىس-قيمىل ماسەلەلەرى بويىنشا بىرقاتار حالىقارالىق شارتتارعا قول قويىلاتىنىن ءتۇسىندىردى.
«سامميتتە سونداي-اق 2023 جىلى تمد-عا توراعالىقتى قىرعىز رەسپۋبليكاسىنا بەرۋ جانە مەملەكەت باسشىلارى كەڭەسىنىڭ كەلەسى وتىرىسىن بىشكەكتە وتكىزۋ تۋرالى شەشىم قابىلداۋ جوسپارلانۋدا. مەملەكەت باسشىسى ەلىمىزدىڭ تمد-عا توراعالىعىنىڭ قورىتىندىسىن شىعارادى دەپ كۇتىلۋدە», دەدى ايبەك سمادياروۆ.
