شارانىڭ ماقساتى – قارقىندى تەراپياداعى گەموكوررەكتسيانىڭ ەكستراكورپورالدى ادىستەرىن دامىتۋ جولدارىن قاراستىرۋ جانە ءوزارا تاجىريبە الماسۋ. كونفەرەنتسيا جۇمىسىنا وسى سالاداعى جەتەكشى ماماندار مەن ساراپشىلار, وڭتۇستىك كورەيا, قىتاي, رەسەي جانە قازاقستان نەفرولوگتارى مەن انەستەزيولوگ-رەانيماتولوگتارى قاتىستى.
قر ءپىب مەديتسينالىق ورتالىعىنىڭ باسشىسى ساۋلە كيسيكوۆا, «انەستەزيولوگتار جانە رەانيماتولوگتار فەدەراتسياسى» رقب پرەزيدەنتى ەرعالي ميەربەكوۆ, «استانا مەديتسينا ۋنيۆەرسيتەتى» كەاق عىلىمي جۇمىس جانە ستراتەگيالىق دامۋ جونىندەگى پرورەكتورى ۆيتالي كويكوۆ كونفەرەنتسيانىڭ قاتىسۋشىلارى مەن قوناقتارىن اشىلۋىمەن قۇتتىقتاپ, ساتتىلىك تىلەدى.
كونفەرەنتسيا شەڭبەرىندە سونداي-اق ەكستراكورپورالدى گەموككورەكتسيا سالاسىنداعى دارىگەرلەرگە, انەستەزيولوگ-رەانيماتولوگتارعا, نەفرولوگتارعا ارناپ شەبەرلىك سىنىپتارى ۇيىمداستىرىلدى.
ءىس-شارا قورىتىندىسى بويىنشا دوڭگەلەك ۇستەل بارىسىندا قاتىسۋشىلار قارقىندى تەراپياداعى ەكستراكورپورالدى دەتوكسيكاتسيانىڭ زاماناۋي ادىستەرىن, سالاداعى جەتىستىكتەر مەن پروبلەمالاردى تالقىلادى.
ايتا كەتەيىك, كونفەرەنتسيانى دەنساۋلىق ساقتاۋ مينيسترلىگىنىڭ قولداۋىمەن قر ءپىب مەديتسينالىق ورتالىعىنىڭ اۋرۋحاناسى, «انەستەزيولوگتار جانە رەانيماتولوگتار فەدەراتسياسى» رەسپۋبليكالىق قوعامدىق بىرلەستىگى جانە رەسپۋبليكالىق ەكستراكورپورالدى گەموكوررەكتسيا ماماندارىنىڭ قوعامى بىرلەسىپ ۇيىمداستىردى.
