ءبىلىم فورۋمىن IAAR باس ديرەكتورى الينا جۇماعۇلوۆا شارانى اشتى. ءوز كەزەگىندە سپيكەرءبىلىم بەرۋ جۇيەسىنىڭ جاھاندىق سىن-قاتەرلەرىنە توقتالىپ, ءبىلىم بەرۋ سالاسىنداعى ىنتىماقتاستىق پەن مادەني الماسۋدىڭ ماڭىزىنا ەرەكشە توقتالىپ ءوتتى.
قازۇۋ-دىڭ باسقارما توراعاسى – رەكتورجانسەيىت تۇيمەباەۆ ترانسۇلتتىق ءوزارا ءىس-قيمىل جانە جوعارى ءبىلىم بەرۋ ساپاسىن قامتاماسىز ەتۋدە فورۋم تاقىرىبىنىڭ وزەكتىلىگىنە توقتالدى. سپيكەرءدىڭ ايتۋىنشا, بۇگىنگى تاڭدا زەرتتەۋ ۋنيۆەرسيتەءتى ءبىلىم مەن عىلىمنىڭ كوپتارماقتى ماسەلەلەرىن شەشۋگە قابىلەتتى مودەل بولىپ تابىلادى. «قازىرگى ۋاقىتتا ءال-فارابي اتىنداعى قازۇۋ ماكرو دەڭگەيدە ءبىلىم بەرۋ جانە عىلىمي-يننوۆاتسيالىق قىزمەت ناتيجەلەرىنە قول جەتكىزۋگە باعىتتالعان دامۋ باعدارلاماسىن ىسكە اسىرۋدا.ءبىزدىڭ ۋنيۆەرسيتەت QS جاھاندىق رەيتينگىندە الەمدەگى ەڭ ۇزدىك ۋنيۆەرسيتەتتەر اراسىندا 150-ورىندا, سونداي-اق ۇلتتىق جانە حالىقارالىق رەيتينگتەردە الدىڭعى ورىنداردان كورىنۋدە. وقۋ ورنىنىڭ ءبىلىم بەرۋ جانە عىلىمي الەۋەتىن ەسكەرە وتىرىپ, ءبىز قازاقستاندا الەمدىك دەڭگەيدەگى زەرتتەۋ ۋنيۆەرسيتەتءى مودەلىن قۇرۋدامىز», – دەدى رەكتور.
ۋنيۆەرسيتەت عىلىمىنىڭ ەلدىڭ الەۋمەتتىك-ەكونوميكالىق دامۋىنا قوسقان ۇلەسىن ارتتىرۋ ءۇشىن عىلىم مەن ءبىلىم بەرۋدىڭ ناقتى ينتەگراتسياسىنا باعىت الىندى. بۇگىندە ۋنيۆەرسيتەتتىك ءبىلىم بەرۋدىڭ پەرسپەكتيۆالىق مودەلى قالىپتاسۋدا: وقۋ ورنىندا 500-دەن استام ءبىلىم بەرۋ باعدارلاماسى ىسكە اسىرىلۋدا, 137 ءبىلىم بەرۋ باعدارلاماسى QS by Subject رەيتينگىندە 500توبىنا كىردى.
فورۋم بارىسىندا پارلامەنت سەناتىنىڭ توراعاسى ماۋلەن اشىمباەۆتىڭ قۇتتىقتاۋ حاتىن سەناتور باقىتجان جۇماعۇلوۆ وقىدى. بۇگىندە ادامي كاپيتال مەن ءبىلىم ساپاسى ۇلتتىق كۇن ءتارتىبىنىڭ باستى باسىمدىعى. «قازاقستاننىڭ ۇلتتىق ءبىلىمى قازىرگى زامانعى ترەندتەرگە سايكەس دامىپ, باسەكەگە قابىلەتتى جانە سىني تۇرعىدان ويلايتىن, ەڭبەك نارىعىنىڭ قازىرگى زامانعى تالاپتارىنا بەيىمدەلگەن قاجەتتى كاسىبي قۇزىرەتتىلىككە يە ادامداردى قالىپتاستىرۋى ماڭىزدى», – دەلىنگەن قۇتتىقتاۋدا.
جيىندا ءسوز العان عىلىم جانە جوعارى ءبىلىم ءمينيسترى ساياسات نۇربەك جوعارى ءبىلىم ساپاسىن ارتتىرۋ جولىنداعى ماقسات-مىندەتتەرگە نازار اۋداردى. ۆەدومستۆو باسشىسى فورۋم قاتىسۋشىلارىنا كوپتەگەن ماسەلەلەردى القالى تۇردە پىسىقتاۋدى ۇسىندى. ونىڭ قاتارىنداجوعارى ءبىلىمنىڭ قانداي مودەلىن, اتاپ ايتقاندا:الەۋمەتتىك تەگىن, تاۋەلسىز نەمەسە ارالاس ءتۇرىن ەنگىزۋ ماسەلەسىن اتادى. «دەموگرافيالىق سەرپىلىس, ءبىلىم الۋشىلار سانىنىڭ ارتۋى ونلاين-ءبىلىم بەرۋ كونتەنتىن جانە تسيفرلاندىرۋعا قول جەتكىزۋدى قاجەت ەتتى», – دەءدى مينيستر.
شارا اياسىندا مينيستر ساياسات نۇربەك قازۇۋ-دىڭ نانوسپۋتنيك زەرتحاناسى, جەردى قاشىقتىقتان زوندتاۋ ورتالىعى, «كەرەمەت» ستۋدەنتتەرگە قىزمەت كورسەتۋ ورتالىعىنىڭ جۇمىسىمەن تانىستى.
|فورۋمنىڭ پلەنارلىق وتىرىسىنداتاجىكستاننىڭ VI سايلانعان ءماجىلىس دەپۋتاتى گۇلزودا قۇربونالي, قىرعىز رەسپۋبليكاسى ءبىلءىم جانە عىلىم ءمينيسترىنىڭ ورىنباسارى راسۋل ابازبەك, IAAR بايقاۋ كەڭەسىنىڭ ءتورايىمى, كەڭەس توراعاسىنىڭ ورىنباسارى بىرعانىم ءايتىموۆا,جوعارى وقۋ ورىندارى قاۋىمداستىعىنىڭ پرەزيدەنتى راحمان الشانوۆ, دۇنيەجۇزىلىك مەديتسينالىق ءبىلىم بەرۋ فەدەراتسياسىنىڭپرەزيدەنتى دەۆيد گوردون, جوعارى ءبىلىم ساپاسىن قامتاماسىز ەتۋ جونىندەگى ەۋروپالىق رەەستر پرەزيدەنتى كارل ديتريح, جوعارى ءبىلىم بەرۋدەگى ساپانى قامتاماسىز ەتۋ ءجونىندەگى ەۋروپالىق قاۋىمداستىقتىڭ ديرەكتورلار كەڭەسىنىڭ مۇشەسى, جوعارى ءبىلىم ساپاسى جونىندەگى اگەنتتىك (AIKA)ديرەكتورى يولانتا سيلكا ءسوز سويلەپ, الەمدىك ءبىلىم, عىلىم كەڭىستىگى توڭىرەگىندە پىكىر ءبىلدىردى.
اككرەديتتەۋ جانە رەيتينگ تاۋەلسىز اگەنتتىگى (IAAR) ۇيىمداستىرعان ءىرى حالىقارالىق فورۋم ساندىق ترانسفورماتسيا جاعدايىندا ءبىلىم بەرۋ سالاسىنداعى ۇزدىك تاجىريبەنى تالقىلاۋ جانە الماسۋ الاڭىن قۇرۋعا باعىتتالدى.
الماتى
