ايماقتار • 07 قازان، 2022

پاۆلودار وبلىسىندا ءىرى مەتاللۋرگيالىق كلاستەر قۇرىلادى

40 رەت كورسەتىلدى

ەلىمىزدە العاش رەت ءبىر الاڭدا فەرروقورىتپا وندىرەتىن كاسىپورىن، بولات بالقىتاتىن كەشەن جانە تەمىر شىعاراتىن DRI فابريكاسى سياقتى 3 جوعارى تەحنولوگيالىق نىسان سالىنادى، دەپ حابارلايدى Egemen.kz

مەتاللۋرگيالىق كلاستەر قۇرۋ جوباسىن وتاندىق «Mineral Product» جشس وڭتۇستىك كورەيالىق تەحنولوگيا سەرىكتەسىمەن بىرلەسىپ جۇزەگە اسىرۋدا.

اۋقىمدى جوبانى ىسكە اسىرۋ تۋرالى ۋاعدالاستىققا مەملەكەت باسشىسى قاسىم-جومارت توقاەۆتىڭ 2021 جىلعى تامىز ايىندا كورەيا رەسپۋبليكاسىنا جاساعان ساپارى اياسىندا قول جەتكىزىلگەن بولاتىن. ونىڭ ناتيجەسىندە «Mineral Product» جشس مەن وڭتۇستىك كورەيالىق SAC Co ينجينيرينگتىك كومپانياسى فەرروقورىتپا وندىرەتىن زاۋىت قۇرىلىسىن سالۋ تۋرالى ءوزارا كەلىسىمگە قول قويدى.

جوبانى تانىستىرۋ بارىسىندا بولاشاق فەرروقورىتپا شىعاراتىن كاسىپورىننىڭ ىرگەتاسىنا كاپسۋلا سالىندى. سونداي-اق مەتاللۋرگيالىق كلاستەرلىك جوبالاردى بىرلەسىپ جۇزەگە اسىرۋ تۋرالى Hyundai Rotem جانە POSCO International كومپانيالارى اراسىندا ءوزارا ىنتىماقتاستىق تۋرالى مەموراندۋمعا قول قويىلدى.

جىلىنا قۋاتتىلىعى 160 مىڭ توننا ءونىم شىعاراتىن فەرروقورىتپا وندىرەتىن زاۋىتتىڭ قۇرىلىسى مەن ونى ىسكە قوسۋعا 360 ملن اقش دوللارى كولەمىندە ينۆەستيتسيا سالىنعان. جوبانىڭ تەحنولوگيالىق ارتىقشىلىعى – كەڭ كولەمدەگى جانە پرەميۋم سەگمەنتتى فەرروقورىتپا ونىمدەرىن شىعارۋى. زاۋىت ءونىمى العاشىندا ەكسپورتقا باعىتتالماق. كەيىننەن بارىپ ىشكى نارىقتى قامتاماسىز ەتۋ كوزدەلىپ وتىر.

ال بولات قورىتاتىن كەشەن جانە DRI فابريكاسىنىڭ قۇرىلىسى مەن ولاردى ىسكە قوسۋعا 1،5 ملرد دوللار كولەمىندە قارجى جۇمسالادى. اتالعان جوبالار جۇزەگە اسقان جاعدايدا جىلىنا 3 ملن توننا كەڭ كولەمدەگى بولات ونىمدەرىن شىعارۋ جوسپارلانىپ وتىر.

«قازاقستاننىڭ ىشكى نارىعىندا مەتاللۋرگيالىق ونىمدەرگە دەگەن جوعارى سۇرانىس، ەلدەگى مەتاللۋرگيالىق سالانى دامىتۋدىڭ مول مۇمكىندىگى جانە مەملەكەت تاراپىنان ينۆەستورلارعا جاسالاتىن قولداۋ مەن ينۆەستيتسيالىق احۋالدىڭ وڭ بولۋى ارقاسىندا اتالعان جوبانى ىسكە اسىرۋعا مۇددەلىمىز. پاۆلودار وبلىسىندا قاجەتتى شيكىزات پەن رەسۋرستار قورى جەتكىلىكتى. اتاپ ايتقاندا، وڭىردە ەلەكتر ەنەرگياسى، تەمىر رۋداسى، كۆارتسيت، كومىر قورى جەتكىلىكتى. سونىمەن قاتار بۇل تاراپتا بىلىكتى ماماندار دا ايرىقشا ءرول اتقارادى. ءبىزدىڭ كاسىپورىنداردا قازاقستاندىق مامانداردىڭ جۇمىس ىستەۋىنە باسىمدىق بەرىپ وتىرمىز. بۇعان سەبەپ تە جوق ەمەس. قازاقستانداعى مەتاللۋرگيالىق سالادا ءبىلىمدى، تاجىريبەلى كادرلار جەتكىلىكتى»، دەيدى كومپانيانىڭ اكتسيونەرى سەرگەي كان.

كومىرتەكتى بەيتاراپتىق تۇجىرىمداماسى اياسىندا قول جەتكىزىلگەن پاريج كەلىسىمىندەگى مىندەتتەمەلەردى ىسكە اسىرۋ شەڭبەرىندە مەتاللۋرگيالىق كلاستەر سالاسىندا ءونىم وندىرۋدە الەمدىك ۇزدىك تەحنولوگيالار قولدانىلماق. بۇل شەشىم جوبانىڭ تيىمدىلىگىن ارتتىرادى. بۇدان بولەك، زاماناۋي تەحنولوگيالاردىڭ قورشاعان ورتاعا تيگىزەتىن اسەرى تومەن بولماق.

وسى رەتتە ايتا كەتەرلىگى، ءوڭىردىڭ وندىرىستىك قۋاتتىلىعىن زەردەلەۋگە جانە سو2 ۋتيليزاتسيالىق تەحنولوگياسىن قولدانۋدىڭ تەتىكتەرىن ساراپتاۋ بويىنشا جوباعا قازاقستان مۇناي جانە گاز ينستيتۋتى مەن Schlumberger كومپانياسى تارتىلىپ وتىر.

كلاستەر قۇرامىنداعى ءۇش كاسىپورىن تولىق ىسكە قوسىلعان كەزدە 2 700 جاڭا جۇمىس ورنى اشىلادى. ونىڭ 826-سى فەرروقورىتپا وندىرەتىن كاسىپورىندا قۇرىلماق

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار