قازاقستان رەسپۋبليكاسى ۇكىمەتىنىڭ قاۋلىسى №366

2014 جىلعى 17 ءساۋىر, استانا, ۇكىمەت ءۇيى «دەنساۋلىق ساقتاۋ سالاسىنداعى اككرەديتتەۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 12 قازانداعى №1559 قاۋلىسىنا وزگەرىستەر مەن تولىقتىرۋ ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «دەنساۋلىق ساقتاۋ سالاسىنداعى اككرەديتتەۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 12 قازانداعى №1559 قاۋلىسىنا (قازاقستان رەسپۋبليكاسىنىڭ ءپۇاج-ى, 2009 ج., №42, 408-قۇجات) مىناداي وزگەرىستەر مەن تولىقتىرۋ ەنگىزىلسىن: كورسەتىلگەن قاۋلىمەن بەكىتىلگەن دەنساۋلىق ساقتاۋ سالاسىنداعى اككرەديتتەۋ ەرەجەسىندە: 8-تارماق مىناداي رەداكتسيادا جازىلسىن: «8. دەنساۋلىق ساقتاۋ سۋبەكتىلەرىنىڭ قىزمەتىنە تاۋەلسىز ساراپتامالىق باعالاۋدى جۇرگىزۋگە اككرەديتتەۋدەن ءوتۋ كەزىندە جەكە تۇلعالار اككرەديتتەۋشى ورگانعا مىناداي قۇجاتتاردى: 1) ۋاكىلەتتى ورگان بەكىتكەن ماماندىقتار نومەنكلاتۋراسىنا سايكەس مالىمدەلگەن اككرەديتتەۋ سالاسىن كورسەتە وتىرىپ, اككرەديتتەۋشى ورگان بەكىتكەن نىسان بويىنشا اككرەديتتەۋدەن وتۋگە ارنالعان ءوتىنىشتى; 2) جەكە كۋالىگىنىڭ كوشىرمەسىن; 3) جوعارى كاسىپتىك مەديتسينالىق نەمەسە فارماتسەۆتيكالىق ءبىلىمى تۋرالى ديپلومنىڭ كوشىرمەسىن; 4) ەڭبەك كىتاپشاسىنىڭ كوشىرمەسىن نەمەسە وسى ەرەجەنىڭ 8-1-تارماعىنىڭ 1), 2) نەمەسە 3) تارماقشالارىنا سايكەس جۇمىس ءوتىلىن راستايتىن وزگە دە قۇجاتتى; 5) وسى ەرەجەنىڭ 8-1-تارماعىنىڭ ەكىنشى, ءۇشىنشى بولىكتەرىندەگى تالاپتاردى ەسكەرە وتىرىپ (كلينيكالىق پراكتيكانى جانە فارماتسەۆتيكالىق قىزمەتتى جۇزەگە اسىراتىن ماماندار ءۇشىن) بىلىكتىلىكتى ارتتىرۋ جانە (نەمەسە) قايتا دايارلاۋ تۋرالى قۇجاتتاردىڭ كوشىرمەلەرىن; 6) ءبىرىنشى نەمەسە جوعارى بىلىكتىلىك ساناتتارىنىڭ بەرىلگەنى تۋرالى سەرتيفيكاتتاردىڭ كوشىرمەلەرىن (كلينيكالىق پراكتيكانى جۇزەگە اسىراتىن ماماندار ءۇشىن); 7) عىلىمي دارەجەلەرىنىڭ, اتاقتارىنىڭ (بار بولسا) تۋرالى قۇجاتتاردىڭ كوشىرمەلەرىن ۇسىنادى.»; مىناداي مازمۇنداعى 8-1-تارماقپەن تولىقتىرىلسىن: «8-1. دەنساۋلىق ساقتاۋ سۋبەكتىلەرىنىڭ قىزمەتىنە تاۋەلسىز ساراپتامالىق باعالاۋ جۇرگىزۋ ءۇشىن اككرەديتتەۋدەن وتۋگە: 1) دەنساۋلىق ساقتاۋ سالاسىنداعى مەملەكەتتىك ورگانداردا نەمەسە مەديتسينالىق كورسەتىلەتىن قىزمەتتەر جانە (نەمەسە) دارىلىك زاتتاردىڭ, مەديتسينالىق ماقساتتاعى بۇيىمداردىڭ نەمەسە مەديتسينالىق تەحنيكانىڭ اينالىسى سالاسىنداعى ساپا ساراپتاماسىن جۇزەگە اسىراتىن دەنساۋلىق ساقتاۋ ۇيىمدارىندا; 2) مەديتسينالىق نەمەسە فارماتسەۆتيكالىق ءبىلىم بەرۋ (عىلىمي- پەداگوگيكالىق قۇرامدا) ۇيىمدارىندا; 3) كاسىپتىك مەديتسينالىق (كلينيكالىق پراكتيكا) جانە (نەمەسە) فارماتسەۆتيكالىق قىزمەتتە كەمىندە 7 جىل جۇمىس ءوتىلى بار جەكە تۇلعالار جىبەرىلەدى. وسى تارماقتىڭ 1), 2) تارماقشالارىندا كورسەتىلگەن ادامداردى قوسپاعاندا, اككرەديتتەۋ تۋرالى كۋالىكتى العاش رەت الۋعا ۇمىتكەر ادامداردىڭ سوڭعى 2 جىلدا دەنساۋلىق ساقتاۋ سالاسىنداعى ءبىلىم جانە عىلىم ۇيىمدارىندا ساراپتاما جۇرگىزۋ ماسەلەلەرى بويىنشا نەمەسە ساراپتامالىق قىزمەت نەگىزدەرى بويىنشا جالپى كولەمى كەمىندە 216 ساعات بىلىكتىلىگىن ارتتىرۋى قاجەت. وسى تارماقتىڭ 1), 2) تارماقشالارىندا كورسەتىلگەن ادامداردى قوسپاعاندا, اككرەديتتەۋ تۋرالى كۋالىكتى قايتا الۋعا ۇمىتكەر ادامداردىڭ سوڭعى 5 جىلدا دەنساۋلىق ساقتاۋ سالاسىنداعى ءبىلىم جانە عىلىم ۇيىمدارىندا ءتيىستى جانە (نەمەسە) مەديتسينالىق كورسەتىلەتىن قىزمەتتەردىڭ ساپاسىن باسقارۋ ماسەلەلەرى بويىنشا جالپى كولەمى كەمىندە 216 ساعات بىلىكتىلىگىن ارتتىرۋى قاجەت.»; 13-تارماق مىناداي رەداكتسيادا جازىلسىن: «13. اككرەديتتەۋدەن وتكەن سۋبەكتىگە اككرەديتتەۋشى ورگان بەكىتەتىن نىسان بويىنشا اككرەديتتەۋ تۋرالى كۋالىك 5 جىل مەرزىمگە بەرىلەدى.»; 15-تارماق مىناداي رەداكتسيادا جازىلسىن: «15. مەديتسينالىق ۇيىمدار اككرەديتتەۋدەن ءوتۋ ءۇشىن اككرەديتتەۋشى ورگانعا مىناداي قۇجاتتاردى: 1) اككرەديتتەۋشى ورگان بەكىتكەن نىسان بويىنشا ءوتىنىشتى; 2) مەديتسينالىق جانە (نەمەسە) فارماتسەۆتيكالىق قىزمەتتى جۇزەگە اسىرۋ قۇقىعىنا قوسىمشاسى بار ليتسەنزيانىڭ كوشىرمەسىن; 3) ءوزىن-ءوزى باعالاۋ ناتيجەلەرىنىڭ ءوز بەتىنشە نەمەسە تاۋەلسىز ساراپشىلاردى تارتا وتىرىپ جۇرگىزىلەتىن اككرەديتتەۋ ستاندارتتارىنا سايكەستىگىنە كوشىرمەنى ۇسىنادى. مەملەكەتتىك زاڭدى تۇلعالار جانە مەملەكەت قاتىساتىن زاڭدى تۇلعالار زاڭدى تۇلعا مۇلكىنىڭ مەنشىك يەسىن نەمەسە مەنشىك يەسى وكىلەتتىك بەرگەن ورگاننىڭ نە وعان قۇرىلتاي قۇجاتتارىمەن وكىلەتتىك بەرىلگەن زاڭدى تۇلعا ورگانىنىڭ زاڭدى تۇلعانىڭ مورىمەن بەكىتىلگەن مەديتسينالىق ۇيىمدار ۇسىنعان اقپاراتتىڭ دۇرىستىعىنا راستاما ۇسىنادى.». 2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.