قازاقستان رەسپۋبليكاسى ۇكىمەتىنىڭ قاۋلىسى №413

2014 جىلعى 29 ءساۋىر,  استانا, ۇكىمەت ءۇيى «اۆتوكولىك قۇرالدارىنىڭ قاۋىپسىزدىگىنە قويىلاتىن تالاپتار» تەحنيكالىق رەگلامەنتىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2008 جىلعى 9 شىلدەدەگى №675 قاۋلىسىنا وزگەرىستەر ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «اۆتوكولىك قۇرالدارىنىڭ قاۋىپسىزدىگىنە قويىلاتىن تالاپتار» تەحنيكالىق رەگلامەنتىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2008 جىلعى 9 شىلدەدەگى №675 قاۋلىسىنا (قازاقستان رەسپۋبليكاسىنىڭ ءپۇاج-ى, 2008 ج., №32, 334-قۇجات) مىناداي وزگەرىستەر ەنگىزىلسىن: كورسەتىلگەن قاۋلىمەن بەكىتىلگەن «اۆتوكولىك قۇرالدارىنىڭ قاۋىپسىزدىگىنە قويىلاتىن تالاپتار» تەحنيكالىق رەگلامەنتىندە: 11-تارماقتىڭ ءتورتىنشى بولىگى مىناداي رەداكتسيادا جازىلسىن: «وسى تارماقتىڭ ەكىنشى بولىگىندە كوزدەلگەن تالاپتار 2015 جىلعى 1 قاڭتاردان باستاپ قولدانىسقا ەنگىزىلەتىن كەدەن وداعىنا قاتىسۋشى ەلدەردە شىعارىلعان اۆتوكولىك قۇرالدارىن قوسپاعاندا, وسى تالاپتار 2014 جىلعى 1 شىلدەدەن باستاپ قولدانىسقا ەنگىزىلەدى.»; 12-تارماقتىن ءبىرىنشى بولىگى مىناداي رەداكتسيادا جازىلسىن: «قازاقستان رەسپۋبليكاسىندا جاسالاتىن جاڭا اۆتوكولىك قۇرالدارى ءوتىنىش بەرۋشىنىڭ تاڭداۋى بويىنشا «سايكەستىكتى راستاۋ راسىمدەرى» تەحنيكالىق رەگلامەنتىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2008 جىلعى 4 اقپانداعى №90 قاۋلىسىندا بەلگىلەنگەن 1-8, 10-سحەمالاردىڭ ءبىرى بويىنشا سايكەستىكتى راستاۋدان وتەدى. پايدالانۋ مەرزىمى 3 جىلدان از, دوڭعالاقتى كولىك قۇرالدارىنا, دوڭعالاقتى كولىك قۇرالدارىندا ورناتىلۋى جانە/نەمەسە پايدالانىلۋى مۇمكىن جابدىقتاۋ زاتتارى مەن بولشەكتەرگە ارنالعان بىرىڭعاي تەحنيكالىق نۇسقامالاردى قابىلداۋ تۋرالى جانە وسى نۇسقامالاردىڭ نەگىزىندە بەرىلەتىن رەسمي بەكىتۋلەردى ءوزارا مويىنداۋ شارتتارى تۋرالى كەلىسىم (1958 جىلعى جەنەۆا كەلىسىمى) شەڭبەرىندە بەرىلگەن, ۇلگىنى ماقۇلداۋدى راستايتىن قۇجاتى بار اۆتوكولىك قۇرالدارى «سايكەستىكتى راستاۋ راسىمدەرى» تەحنيكالىق رەگلامەنتىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2008 جىلعى 4 اقپانداعى №90 قاۋلىسىمەن بەلگىلەنگەن 9-سحەما بويىنشا سايكەستىكتى راستاۋدان وتەدى.». 2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.