پىكىر • 07 قازان، 2022

قوعامدىق قابىلداۋدىڭ جۇمىسى كۇشەيتىلەدى

37 رەت كورسەتىلدى

ەلوردادا Amanat پارتياسىنىڭ كەزەكتەن تىس XXIV سەزى ءوتتى. اۋقىمدى ءارى ءماندى ءىس-شاراعا 1200-دەن استام ادام قاتىستى. كۇن تارتىبىنە سايكەس الدىمەن الداعى پرەزيدەنتتىك سايلاۋعا پارتيادان كانديدات ۇسىنۋ ماسەلەسى قارالدى.

پىكىر الماسىپ، داۋىس بەرۋ راسىمى­نەن كەيىن سەزگە قاتىسۋشىلار ءبىراۋىزدان شەشىم قابىلداپ، «اmanat» پارتياسى قاسىم-جومارت كەمەل ۇلى توقاەۆتى پرەزيدەنتتىككە كانديدات ەتىپ ۇسىندى.

پارتيا توراعاسى ەرلان قوشانوۆ ءوز سوزىندە اتاپ وتكەندەي، تابىستى رەسپۋب­ليكا قۇرۋدى بىرگە باستادىق. سون­دىقتان بۇگىندە «اmanat» پار­تياسىنىڭ مىندەتى – بارشا قازاق­ستاندىقتى پرەزيدەنتتىڭ وزىق رەفورمالارى توڭىرەگىنە توپتاستىرۋ.

كۇن تارتىبىندەگى ەكىنشى ماسەلەنى تالقىلاۋ بارىسىندا سەزد دەلەگاتتارى ءبىراۋىزدان پارتيانىڭ جاڭا ساياسي تۇعىرناماسىن قابىلدادى. بۇل قۇجات ازاماتتاردىڭ قاجەتتىلىگىنە جاۋاپ بەرەدى. سونداي-اق كۇن تارتىبىندە تۇر­عان نەگىزگى تالاپتارعا ساي كەلەدى.

پىكىرتالاس بارىسىندا مەن پار­تيانىڭ نەگىزگى يدەولوگيالىق قۇجاتى تۋرالى ءوز ويىمدى ورتاعا سالدىم. ءبىزدىڭ قوعام دەموكراتيالىق پرين­تسيپتەرگە قۇرىلىپ، پىكىر الۋان­دىعى مەن ءسوز بوستاندىعىن ساقتاۋ كەرەك. سونىمەن بىرگە ۇلتتىق اقپارات­تىق كەڭىستىكتى سىرتقى جانە ىشكى قاۋىپ­تەردەن قورعاۋ قاجەت. بۇل ۇسىنىس تالقىلاۋ بارىسىندا قولداۋ تاپتى.

سونىمەن قاتار ساياسي تۇعىرناما­دا وزەكتى ماسەلەلەر مەن ولاردى شەشۋ جول­دارى كورسەتىلگەن. وسى ورايدا قو­عامدىق قابىلداۋلاردىڭ جۇمىسىن مىسالعا كەلتىرە الامىز. سولاردىڭ ەڭبەگى ارقىلى ءبىزدىڭ پارتيا فيليالى جەرگىلىكتى تۇرعىنداردىڭ ماسەلەلەرىنەن ۇنەمى حاباردار. ۋاكىلەتتى ورگاندارمەن تىعىز ءوزارا ءىس-قيمىلدىڭ ناتيجەسىن­دە ماسەلەلەر جىلدام شەشىلەدى. بۇل تۇرعىدا ساياسي تۇعىرناما قوعامدىق قابىلداۋلاردىڭ جۇمىسىن كۇشەيتەدى.

 

اسەم راحمەتوۆا،

«اmanat» پارتياسى سولتۇستىك قازاقستان وبلىسى فيليالىنىڭ اتقارۋشى حاتشىسى

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار