ساياسات • 07 قازان، 2022

قازاقستان رەسپۋبليكاسى ورتالىق سايلاۋ كوميسسياسىنىڭ ۇندەۋى

68 رەت كورسەتىلدى

قۇرمەتتى سايلاۋشىلار! 

2022 جىلعى 20 قاراشا

قازاقستان رەسپۋبليكاسى پرەزيدەنتىنىڭ

كەزەكتەن تىس سايلاۋى

سايلاۋعا قاتىسۋعا كونستيتۋتسيالىق قۇقىقتى ىسكە اسىرۋدىڭ كەپىلى – ءسىزدىڭ سايلاۋشىلار تىزىمىنە ەنگىزىلۋىڭىز.

تىزىمدەردى داۋىس بەرۋگە ارنالعان ناقتى ۋچاسكەسىنىڭ اۋماعىندا تۇرعىلىقتى جەرى بويىنشا تۇراقتى تىركەۋ نەگىزىندە جەرگىلىكتى اتقارۋشى ورگاندار (اكىمدىكتەر) جاسايدى. تۇراقتى تىركەۋى جوق ازاماتتار تىزىمدەرگە ولاردىڭ ورنالاسقان جەرى بويىنشا اكىمدىكتەرگە بەرگەن ءوتىنىشىنىڭ نەگىزىندە ەنگىزىلەدى.

داۋىس بەرۋ كۇنى تىركەلگەن جەرى بويىنشا سايلاۋ ۋچاسكەسىنە كەلە المايتىن ءاربىر ازامات داۋىس بەرۋ كۇنىنە ءبىر اي قالعاندا، ياعني 2022 جىلعى 20 قازانىنان كەشىكتىرمەي ءتيىستى اكىمدىككە ءوتىنىش بەرىپ، ولاردىڭ ناقتى ورنالاسقان جەرى بويىنشا سايلاۋ ۋچاسكەسىندە تىركەلۋگە قۇقىلى.

ءوتىنىش تۇسكەن كەزدە اكىمدىك ازاماتتى تىركەلگەن جەرى بويىنشا سايلاۋشىلار تىزىمىنەن شىعارۋدى جانە ونى داۋىس بەرەتىن ۋچاسكەنىڭ تىزىمىنە ەنگىزۋدى ۇيىمداستىرادى.

وسى قۇقىقتى:

- داۋىس بەرۋ كۇنى تىركەلگەن جەرى بويىنشا بولمايتىنىن بىلەتىن ازاماتتار;

- باسقا قالادان كەلگەن، ارناۋلى ورتا جانە جوعارى وقۋ ورىندارىندا وقيتىن، جاتاقحانالاردان تىس تۇراتىن ستۋدەنتتەر;

- ۆاحتالىق ادىسپەن جۇمىس ىستەيتىن ازاماتتار پايدالانا الادى.

ازامات سايلاۋشىلاردىڭ ءبىر عانا تىزىمىنە ەنگىزىلەدى.

سايلاۋشىلار تىزىمىنە تىركەلگەن جەرىڭىز بويىنشا ەنگىزىلگەنىڭىزدى ءتيىستى اكىمدىكتىڭ سايتى نەمەسە Call-ورتالىعى ارقىلى تەكسەرۋگە بولادى.

2022 جىلدىڭ 4 قاراشاسىنان باستاپ سىزگە ءوز ۋچاسكەڭىزدەگى سايلاۋشىلار تىزىمىندەگى دەرەكتەرىڭىزدى تەكسەرۋ مۇمكىندىگى بەرىلەدى.

قۇرمەتتى سايلاۋشىلار!

سىزدەردى قۇقىقتىق ساۋاتتىلىق تانىتىپ، ءوزىڭىزدىڭ سايلاۋعا قاتىسۋعا كونستيتۋتسيالىق قۇقىعىڭىزدى ىسكە اسىرۋعا شاقىرامىز!

ءوزىڭىزدى سايلاۋشىلار تىزىمىنە ەنگىزۋ ءۇشىن قاجەتتى زاڭدىق ماڭىزى بار ارەكەتتەردى ۋاقتىلى قابىلداڭىز!

اركىمنىڭ داۋىسى ماڭىزدى!

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار