ەنني ەرنو 1940 جىلدىڭ تۋماسى. فرانتسيانىڭ قازىرگى زامان ايەل جازۋشىسى. جاستايىنان تالاپشىل بولىپ وسكەن ول شىعارماشىلىققا ەرتە اۋەستەنگەنىمەن تەك 1974 جىلدان باستاپ شىعارماشىلىقپەن ەركىن اينالىسقان. قازىرگە دەيىن ون بەستەن استام كىتابى جارىق كورگەن. «ونىڭ مەكەنى», ء«بىر ايەل», «سول جىلدار» اتتى شىعارمالارى وقىرماندار تارابىنان جاقسى وقىلعان.
ەنني ەرنو كوركەم شىعارما جازۋدىڭ ەرەكشە قۋات ەكەنىنە انىق سەنگەن قالامگەردىڭ ءبىرى. ونىڭ كوپتەگەن شىعارمالارى وقىرمانعا تۇسىنىكتى دە قاراپايىم تىلمەن جازىلعان تازا كوركەم تۋىندىلار ساناتىندا. ادەبيەت سىنشىلارى ونىڭ جازعاندارى نەگىزىنەن تاريحي سيپاتتاعى جانە جەكە ومىرلىك دەرەكتەرگە تولى دەگەن كوزقاراستا.
