پرەزيدەنت • 06 قازان، 2022

مەن ءۇشىن وتانعا قىزمەت ەتۋدەن ارتىق جاۋاپتى ميسسيا جوق - پرەزيدەنت

99 رەت كورسەتىلدى

مەملەكەت باسشىسى قاسىم-جومارت توقاەۆ وزىن قولداۋ جونىندەگى حالىقتىق كواليتسيا فورۋمىندا ءسوز سويلەپ، ساياساتقا قىزىعۋشىلىعى بار جاستاردىڭ بەلسەندىلىگىنە ەرەكشە قۋاناتىنىن ايتتى، دەپ حابارلايدى Egemen.kz.

ء«بىزدىڭ رەفورمالارىمىزدىڭ باستى ماقساتى - ءادىل قازاقستان قۇرۋ. كوپ نارسە جاسالدى، بىراق ءبىز تەك وسى تىكەندى جولدىڭ باسىندا عانا تۇرمىز. سىندارلى ديالوگتىڭ ارقاسىندا ءبىز ەلىمىزدى ساياسي جاڭعىرتۋدا ۇلكەن جەتىستىكتەرگە جەتتىك. اسىرەسە جاستاردىڭ سىندارلى بەلسەندىلىگى قۋانتادى. مۇنىڭ ءبارى ازاماتتاردىڭ ەلدە جۇرگىزىلىپ جاتقان وزگەرىستەرگە سەنەتىنىن كورسەتەدى. ءارى قاراي العا جىلجۋ ءۇشىن ءبىز وتكەننەن ساباق الىپ بولاشاقتىڭ بەينەسىن انىق كورۋىمىز كەرەك»، دەدى پرەزيدەنت ءوز سوزىندە.

مەملەكەت باسشىسىنىڭ ايتۋىنشا، بارشا قازاقستاندىقتار ءۇشىن تەڭ مۇمكىندىكتەردى قامتاماسىز ەتۋ ماقساتىندا ەلدەگى ساياسي جۇيەنى قايتا قۇرۋ قاجەت.

ء«بىزدى كوپتەگەن قيىندىقتار كۇتەدى، بىراق ءبىز ءوز باعدارىمىزدان باس تارتپايمىز. ءبىز ءادىل جانە ءتيىمدى مەملەكەت قۇرىپ، بارلىعىنا تەڭ مۇمكىندىكتەردى قامتاماسىز ەتۋىمىز كەرەك. وسى اۋقىمدى ماقساتتارعا جەتۋ ءۇشىن ساياسي جۇيەنى قايتا باستاۋ كەرەك. وزدەرىڭىز بىلەتىندەي، مەن پرەزيدەنتتىك وكىلەتتىكتەردى ءبىر جەتى جىلدىق مەرزىمگە شەكتەيتىن رەفورمانى باستادىم. مەن بيلىككە يە ساياساتكەرلەر ەلدىڭ مۇددەلەرى ءۇشىن ماڭىزدى ماسەلەلەردى شەشۋدە ەرىك-جىگەر كورسەتۋگە مىندەتتى دەپ سانايمىن. جاۋاپتى ساياساتكەر ارقاشان يكەمدى جانە بەرىك بولۋى ءتيىس. مەنى مەملەكەت پەن حالىقتىڭ ۇزاق مەرزىمدى مۇددەلەرىن سەنىمدى تۇردە قامتاماسىز ەتۋگە دەگەن شىنايى نيەت جەتەلەيدى. مەن ءۇشىن وتانعا قىزمەت ەتۋدەن ارتىق قۇرمەتتى ءارى جاۋاپتى ميسسيا جوق»، دەدى قاسىم-جومارت توقاەۆ.

مەملەكەت باسشىسىنىڭ ايتۋىنشا، الداعى سايلاۋ تسيكلىندە پرەزيدەنت، ءماجىلىس جانە بارلىق دەڭگەيدەگى ءماسليحات دەپۋتاتتارىنىڭ سايلاۋى كەزەڭ-كەزەڭىمەن وتەدى.

ء«بىزدىڭ «كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت» ۇستانىمىمىزدىڭ نەگىزگى فورمۋلاسى ۇنەمى جاڭا ساپالى مازمۇنمەن تولتىرىلاتىن بولادى. الداعى سايلاۋ تسيكلىندە پرەزيدەنت، ءماجىلىس جانە بارلىق دەڭگەيدەگى ءماسليحات دەپۋتاتتارىنىڭ سايلاۋى كەزەڭ-كەزەڭىمەن وتەدى. بۇل رەفورمالاردىڭ بەلگىلەنگەن قارقىنىن ساقتاپ، جاڭا اۋقىمدى قايتا قۇرۋلاردى باستاۋعا مۇمكىندىك بەرەدى. ەلدە شۇعىل شەشۋدى تالاپ ەتەتىن كوپتەگەن ماسەلەلەر بار. الداعى سايلاۋ ءبىزدىڭ جاڭا جەتىستىكتەرىمىزدىڭ نەگىزىن قالايتىنىنا، جاڭا ساياسي ءداۋىردىڭ تىرەگى بولاتىنىنا سەنىمدىمىن»، دەپ تۇيىندەدى پرەزيدەنت.

سوڭعى جاڭالىقتار

قازاق بالۋانى ۇلىقتالدى

قوعام • بۇگىن، 14:36

6 جەلتوقسان - پروكۋراتۋرا كۇنى

قازاقستان • بۇگىن، 13:00

سقو-دا 50 جىلقى مۇز استىندا قالدى

ايماقتار • بۇگىن، 09:18

اشىقتىق – ماڭىزدى ۇستانىم

ساياسات • بۇگىن، 08:10

باعا بۇلقىنىسى

ەكونوميكا • بۇگىن، 08:09

ۇقساس جاڭالىقتار