«ەلىمىزدىڭ دامۋىنا كەدەرگى كەلتىرىپ وتىرعان كەسەلدىڭ ءبىرى – سىبايلاس جەمقورلىق. ونىمەن كۇرەسۋ – بارشامىزعا ورتاق مىندەت. بۇل باعىتتا سوڭعى ءۇش جىلدا ءبىراز شارۋا اتقارىلدى. مىسالى, وسىنداي قىلمىسى ءۇشىن سوتتالعانداردى مەرزىمىنەن بۇرىن شارتتى تۇردە بوساتۋعا تىيىم سالىندى. بۇدان بىلاي ولاردان قايتارىلعان قاراجات مەكتەپ سالۋعا جۇمسالادى», دەدى ەل پرەزيدەنتى.
سونداي-اق مەملەكەت باسشىسى مەملەكەتتىك ساتىپ الۋ جۇيەسىنە بىرقاتار وزگەرىستەر ەنگىزىلگەنىن ايتتى.
«جەمقورلىقپەن كۇرەس ءتيىمدى بولۋ ءۇشىن مەملەكەتتىك ساتىپ الۋ جۇيەسىنە بىرقاتار وزگەرىس ەنگىزىلدى. سونداي-اق قۇزىرلى ورگان باسشىلارىنىڭ جاۋاپكەرشىلىگى ارتتى. ءبىر سوزبەن ايتقاندا, جەمقورلىقپەن كۇرەس ەشقاشان توقتامايدى, جالعاسا بەرەدى. سوندا عانا ءبىز وسى ىندەتتەن تازا قوعام قۇرامىز. بۇل – مەنىڭ ستراتەگيالىق ماقساتىم!», دەدى ق.توقاەۆ.
