“بالام!” دەيتىن باسشى ۇلگىسى

سوڭعى جىلدارى وبلىستا ءبىلىم بەرۋ سالاسىن قارجىلان­دىرۋ كولەمى ۇلعايىپ, مەتەپ­تەردىڭ ماتەريالدىق-تەحنيكالىق بازاسى نىعايا ءتۇستى. اسىرەسە, سوڭعى 3 جىلدا وبلىستاعى 117 مەكتەپتىڭ لينگوفوندىق, مۋلتي­مەديالىق جانە 92 بيولوگيا, فيزيكا, حيميا كابينەتتەرى زاما­ناۋي قاجەتتى قۇرالدارمەن جاب­دىق­تالدى. 138 مەكتەپكە 690 ينتەراك­تيۆ­تى تاقتا ورناتىلدى. مەكتەپ­تەر­دىڭ دەنى كۇردەلى جانە اعىمداعى جوندەۋدەن وتكىزىلدى. جىل سايىن جاڭا مەكتەپتەر پايدالانۋعا بەرىلىپ جاتىر. “الماقتىڭ دا سالماعى بار”, مەملەكەت قامقورلىعىنا جام­بىل­­دىق ۇستازدار مەن وقۋشىلار ساپالى ءبىلىم, سانالى تاربيەمەن جاۋاپ بە­رۋ­دە. وتكەن جىلى وبلىس ورتالى­عىن­داعى №№14, 8 جانە 45 مەكتەپ-گيمنازيالارى مەن “دارىن” مەك­تەپ-ينتەرناتى, “ايشا ءبيبى” اتىن­داعى قازاق-تۇرىك قىزدار ليتسەيى رەسپۋبليكا بويىنشا ەڭ ۇزدىك 100 مەكتەپتىڭ قاتارىنا قوسىلدى. جاقىندا وبلىس اكىمى قانات بوزىمباەۆ جالپى ءبىلىم بەرەتىن پاندەر بويىنشا وتكەن رەسپۋب­لي­كالىق, حالىقارالىق وليمپيا­دالار مەن عىلىمي جوبا جا­رىستارىنىڭ جەڭىمپازدارى مەن جۇلدەگەرلەرىن قابىلدادى. ولارمەن بىرگە ا.سا­دى­قوۆا, ا.نيازبەكوۆا, ش.وسەروۆا سياقتى مەكتەپ ديرەكتورلارى مەن ۇلاعاتتى ۇستازدار دا بولدى. وبلىس اكىمىنىڭ قۇرمەتىنە بولەنگەن 44 وقۋشىنىڭ 21-ءى بيىل مەكتەپ بىتىرمەكشى. ولاردىڭ اراسىندا قازىردىڭ وزىندە كەيبىر جوعارى وقۋ ورىندارىنىڭ ءبىلىم گرانتتارىنا يە بولعاندار دا بار. باكۋ قالاسىندا جۋىردا عانا بولىپ وتكەن حالىقارالىق مەندەلەەۆ وليمپياداسىنىڭ التىن مەدالىن يەلەنىپ قايتقان ج.سەرىمبەتوۆ, ا.شا­حي­زاداەۆ تا وبلىس مەكتەپتەرى­نىڭ ماقتانىشتارى. اكىمنىڭ قابىلداۋىندا بولعان ۇزدىك وقۋشىلار نوۋتبۋك, كومپيۋ­تەر سياقتى باعالى سىيلىقتارعا يە بولدى. “بالام” دەپ باسىنان سي­پاپ, باۋىرىنا تارتاتىن باسشىسى بار ەلدىڭ ۇلگىسى, مىنە, وسىنداي بو­لادى. كوسەمالى ساتتىباي ۇلى, جامبىل وبلىسى. اكتسيا اتى: ء“بىز بىرگە بيىك شىڭدارعا جەتەمىز!” ءبىلىم جانە عىلىم ءمينيسترلى­گى­نىڭ باس­تا­ماسىمەن تاراز قالا­سىن­داعى  قازاق­ستان­نىڭ  تۇڭعىش پرە­زي­دەنتى ساياباعىندا ء“بىز بىرگە بيىك شىڭدارعا جەتەمىز” اتتى اكتسيا بو­لىپ ءوتتى. وعان “جاسىل ەل” جاستار ەڭبەك جاساعى, “قازاقستان اۋىل جاس­تارى” قب, “جام­بىل وبلىسى اۋىل جاستارى وداعى” كورپو­را­تيۆ­تىك قورى, وبلىس اكىمدىگىنىڭ ىشكى سايا­سات باسقارماسى, “ازاماتتار اليان­سى” وبلىستىق جاستار ۇيىم­دارى قاۋىم­داستىعىنىڭ وكىلدەرى اتسالىستى. اكتسيانىڭ ماقساتى جاستاردى وڭىردەگى ەكولوگيالىق ماسەلەلەردى شەشۋدىڭ جول­دارىن بىرگە قاراستىرۋ مەن جاسوسپىرىمدەرگە ەكولوگيالىق ءتالىم-تاربيە بەرۋ بولىپ تابىلادى. “جۇمىلا كوتەرگەن جۇك جەڭىل”. جو­عارى وقۋ ورىندارىنىڭ ستۋدەنت­تەرى مەن ليتسەي جانە مەكتەپ وقۋ­شىلارى, سونداي-اق وبلىستىق جاستار ۇيىمدارى اكتسيا بارىسىندا جالىندى سوزدەرىن ۇلگىلى ىستەرىمەن دالەلدەپ, تۇڭعىش پرەزيدەنت سايا­باعىنا جۇزدەگەن كوشەتتەر وتىر­عىزدى. كوسەمالى ساتتىباي ۇلى, جامبىل وبلىسى.