قازاقستان رەسپۋبليكاسى ۇكىمەتىنىڭ قاۋلىسى №323

2014 جىلعى 4 ءساۋىر, استانا, ۇكىمەت ءۇيى كاسىپتىك ستاندارتتاردى ازىرلەۋگە 2014 جىلعا قاراجات ءبولۋ جانە ونى پايدالانۋ قاعيدالارىن بەكىتۋ تۋرالى «2014 – 2016 جىلدارعا ارنالعان رەسپۋبليكالىق بيۋدجەت تۋرالى» 2013 جىلعى 3 جەلتوقسانداعى قازاقستان رەسپۋبليكاسىنىڭ زاڭىنا جانە «2014 - 2016 جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ زاڭىن ىسكە اسىرۋ تۋرالى» قازاقستان رەسپۋبليكاسى ۇكىمەتىنىڭ 201ز جىلعى 12 جەلتوقسانداعى №1329 قاۋلىسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان: 1) كاسىپتىك ستاندارتتاردى ازىرلەۋگە 2014 جىلعا قاراجات ءبولۋ; 2) كاسىپتىك ستاندارتتاردى ازىرلەۋگە 2014 جىلعا بولىنەتىن قاراجاتتى پايدالانۋ قاعيدالارى بەكىتىلسىن. 2. ورتالىق مەملەكەتتىك ورگاندار توقسان سايىن, ەسەپتى ايدان كەيىنگى ايدىڭ 5-كۇنىنە دەيىن قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنە كاسىپتىك ستاندارتتاردىڭ ازىرلەنۋ بارىسى تۋرالى ەسەپتەر بەرسىن. 3. قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگى جارتى جىلدا ءبىر رەت, ەسەپتى ايدان كەيىنگى ايدىڭ 10-كۇنىنە قاراي قازاقستان رەسپۋبليكاسىنىڭ ۇكىمەتىنە كاسىپتىك ستاندارتتاردىڭ ازىرلەنۋ بارىسى تۋرالى اقپارات بەرسىن. 4. وسى قاۋلى 2014 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ 2014 جىلعى 4 ساۋىردەگى №323 قاۋلىسىمەن بەكىتىلگەن كاسىپتىك ستاندارتتاردى ازىرلەۋگە 2014 جىلعا بولىنەتىن قاراجاتتى پايدالانۋ قاعيدالارى 1. جالپى ەرەجەلەر 1. وسى كاسىپتىك ستاندارتتاردى ازىرلەۋگە 2014 جىلعا بولىنەتىن قاراجاتتى پايدالانۋ قاعيدالارى (بۇدان ءارى – قاعيدالار) «2014 – 2016 جىلدارعا ارنالعان رەسپۋبليكالىق بيۋدجەت تۋرالى» 2013 جىلعى 3 جەلتوقسانداعى قازاقستان رەسپۋبليكاسىنىڭ زاڭىنا جانە «2014 – 2016 جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ زاڭىن ىسكە اسىرۋ تۋرالى» قازاقستان رەسپۋبليكاسى ۇكىمەتىنىڭ 2013 جىلعى 12 جەلتوقسانداعى №1329 قاۋلىسىنا سايكەس ازىرلەندى. 2. وسى قاعيدالاردا مىناداي ۇعىمدار پايدالانىلادى: 1) كاسىپتىك ستاندارت – كاسىپتىك قىزمەتتىڭ ناقتى سالاسىندا بىلىكتىلىك دەڭگەيىنە جانە قۇزىرەتتىلىككە, ەڭبەك مازمۇنىنا, ساپاسىنا جانە جاعدايلارىنا قويىلاتىن تالاپتاردى ايقىندايتىن ستاندارت; 2) رەسپۋبليكالىق بيۋدجەتتىك باعدارلامالاردىڭ اكىمشىلەرى – ءبىلىم جانە عىلىم, يندۋستريا جانە جاڭا تەحنولوگيالار, كولىك جانە كوممۋنيكاتسيا, بايلانىس جانە اقپارات, دەنساۋلىق ساقتاۋ, سپورت جانە دەنە شىنىقتىرۋ, توتەنشە جاعدايلار, وڭىرلىك دامۋ, مۇناي جانە گاز, قورشاعان ورتا جانە سۋ رەسۋرستارى, ادىلەت, ەڭبەك جانە حالىقتى الەۋمەتتىك قورعاۋ سالاسىندا كاسىپتىك ستاندارتتاردى ازىرلەۋ شەڭبەرىندە ىسكە اسىرىلاتىن ءىس-شارالاردى قارجىلاندىرۋدى جۇزەگە اسىراتىن ورتالىق ۋاكىلەتتى ورگاندار. 3. كاسىپتىك ستاندارتتاردى ازىرلەۋگە باعىتتالعان ءىس-شارالاردى قارجىلاندىرۋ بيۋدجەت زاڭناماسىنا سايكەس جۇرگىزىلەدى. 2. كاسىپتىك ستاندارتتاردى ازىرلەۋگە رەسپۋبليكالىق بيۋدجەتتىك باعدارلامالار اكىمشىلەرىنە بولىنەتىن قاراجاتتى پايدالانۋ ءتارتىبى 4. رەسپۋبليكالىق بيۋدجەتتىك باعدارلامالاردىڭ اكىمشىلەرى كاسىپتىك ستاندارتتىڭ قۇرىلىمىنا جانە قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترىنىڭ مىندەتىن اتقارۋشىنىڭ 2012 جىلعى 24 قىركۇيەكتەگى №374-ءو-م بۇيرىعىمەن بەكىتىلگەن كاسىپتىك ستاندارتتاردى ازىرلەۋ, قايتا قاراۋ, سىناقتان وتكىزۋ قاعيداسىنا سايكەس كاسىپتىك ستاندارتتاردى ازىرلەۋدى قامتاماسىز ەتەدى. 5. رەسپۋبليكالىق بيۋدجەتتىك باعدارلامالاردىڭ اكىمشىلەرى كاسىپتىك ستاندارتتاردى ازىرلەۋ كەزىندە كاسىپتىك قىزمەتتىڭ مازمۇنىنا قويىلاتىن بىرىڭعاي تالاپتاردى ازىرلەۋدى, ەڭبەك نارىعىنىڭ قازىرگى زامانعى قاجەتتىلىكتەرىنە جاۋاپ بەرەتىن بىلىكتىلىك تالاپتارىن جاڭارتۋدى قامتاماسىز ەتەدى. 6. كاسىپتىك ستاندارتتاردى ازىرلەۋگە 2014 جىلعا كوزدەلگەن قاراجاتتى ءبولۋ جانە پايدالانۋ بيۋدجەت زاڭناماسىنا سايكەس جۇزەگە اسىرىلادى. 7. رەسپۋبليكالىق بيۋدجەتتىك باعدارلامالار اكىمشىلەرىنىڭ كاسىپتىك ستاندارتتاردى ازىرلەۋگە ارنالعان قىزمەتتەردى ساتىپ الۋى مەملەكەتتىك ساتىپ الۋ تۋرالى زاڭناماعا سايكەس جۇزەگە اسىرىلادى. 8. رەسپۋبليكالىق بيۋدجەتتىك باعدارلامالاردىڭ اكىمشىلەرى ۇسىناتىن كاسىپتىك ستاندارتتاردى ازىرلەۋ بارىسى تۋرالى ەسەپتەر مىناداي: 1) ءىس-شارالاردىڭ ناقتى ورىندالۋى تۋرالى (ناتيجەلەرگە قول جەتكىزۋ ساتىلارى); 2) ناتيجەلەرگە قول جەتكىزبەۋ سەبەپتەرى تۋرالى; 3) بولىنگەن قاراجاتتىڭ يگەرىلۋى تۋرالى اقپاراتتى قامتۋى ءتيىس. قازاقستان رەسپۋبليكاسى ۇكىمەتىنىڭ 2014 جىلعى 4 ساۋىردەگى №323 قاۋلىسىمەن بەكىتىلگەن كاسىپتىك ستاندارتتاردى ازىرلەۋگە 2014 جىلعا قاراجات ءبولۋ ر/س № ءىس-شارالار اتاۋى جاۋاپتى مەملەكەتتىك ورگاندار سانى سوماسى, مىڭ تەڭگە 1 كاسىپتىك ستاندارتتاردى ازىرلەۋ يجتم 22 23 100 2 كاسىپتىك ستاندارتتاردى ازىرلەۋ باا 13 13 650 3 كاسىپتىك ستاندارتتاردى ازىرلەۋ ككم 12 12 600 4 كاسىپتىك ستاندارتتاردى ازىرلەۋ ەڭبەكمينى 12 12 600 5 كاسىپتىك ستاندارتتاردى ازىرلەۋ تجم 1 1 050 6 كاسىپتىك ستاندارتتاردى ازىرلەۋ ءسدشىا 4 4 200 7 كاسىپتىك ستاندارتتاردى ازىرلەۋ بعم 5 5 250 8 كاسىپتىك ستاندارتتاردى ازىرلەۋ دسم 20 21 000 9 كاسىپتىك ستاندارتتاردى ازىرلەۋ مگم 10 10 500 10 كاسىپتىك ستاندارتتاردى ازىرلەۋ ءودم 24 25 200 11 كاسىپتىك ستاندارتتاردى ازىرلەۋ قوسرم 3 3 150 12 كاسىپتىك ستاندارتتاردى ازىرلەۋ ادىلەتمينى 2 2 100 بارلىعى: 128 134 400 ەسكەرتپە: اببرەۆياتۋرالاردىڭ تولىق جازىلۋى: يجتم – قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگى ككم – قازاقستان رەسپۋبليكاسى كولىك جانە كوممۋنيكاتسيا مينيسترلىگى ەڭبەكمينى – قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگى تجم – قازاقستان رەسپۋبليكاسى توتەنشە جاعدايلار مينيسترلىگى بعم – قازاقستان رەسپۋبليكاسى ءبىلىم جانە عىلىم مينيسترلىگى مگم – قازاقستان رەسپۋبليكاسى مۇناي جانە گاز مينيسترلىگى ءودم – قازاقستان رەسپۋبليكاسى وڭىرلىك دامۋ مينيسترلىگى قوسرم – قازاقستان رەسپۋبليكاسى قورشاعان ورتا جانە سۋ رەسۋرستارى مينيسترلىگى دسم – قازاقستان رەسپۋبليكاسى دەنساۋلىق ساقتاۋ مينيسترلىگى ادىلەتمينى – قازاقستان رەسپۋبليكاسى ادىلەت مينيسترلىگى ءسدشىا – قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگى باا – قازاقستان رەسپۋبليكاسى بايلانىس جانە اقپارات اگەنتتىگى