تانىم • 05 قازان، 2022

كورەي بالالارىنىڭ كيىمى

48 رەت كورسەتىلدى

استاناداعى تۇڭعىش پرەزيدەنت كىتاپحاناسىندا «اتا-انا جۇرەگىنىڭ مەيىرىمى» اتتى كورەي ءداستۇرلى بالالار كيىمى كورمەسىنىڭ اشىلۋى ءوتتى.

مازمۇندى ءىس-شارا اتال­عان كىتاپحانانىڭ «مادەنيەت ارقىلى ۇنقاتىسۋ» حالىق­ارالىق جوباسى اياسىندا كو­رەيا رەسپۋب­لي­­­كا­سى­نىڭ قا­زاق­ستانداعى ەل­شى­­لى­گىنىڭ كورەي مادەني ور­تا­لى­عى جانە دانكۋك ۋنيۆەر­-

سيتەتى جانىنداعى سوك دجۋ­سون اتىنداعى مە­مو­ريال­دىق مۋزەيى، سونداي-اق كو­رەيا رەس­پۋبليكاسىنىڭ ما­دە­نيەت، سپورت جانە تۋريزم مي­نيس­تر­لىگى مەن كورەي حا­لىق­ارالىق مادەني الماسۋ قورى بىرلەسىپ ۇيىمداستىردى.

كورمەنىڭ اشىلۋىندا تۇڭ­­عىش پرە­زيدەنت كى­تاپ­­­­­حاناسىنىڭ ديرەكتورى باقىت­جان تەمىربولات بي­ىل قازاقستان مەن كورەيا مەم­­لەكەتى اراسىنداعى ديپ­لو­ماتيالىق قارىم-قاتى­ناس­تىڭ ورناعانىنا وتىز جىل تولعانىن ايتا كە­لىپ: «كورەيا رەسپۋبليكاسى – ەلى­مىز­دىڭ ساۋدا-ەكونوميكالىق قانا ەمەس، مادەني جانە رۋحاني باي­­­لانىسى دامىعان سىرتقى ساياسي سەرىكتەسىمىزدىڭ ءبىرى. ەكى حالىقتىڭ دوستىعى وت­كەن عا­سىردىڭ 30-40 جىل­دا­رىنداعى اشارشىلىق، جەر اۋدارۋ جانە ساياسي قۋعىن-سۇرگىن سەكىلدى قيىن-قىستاۋ كەزەڭنەن باستاۋ الىپ، سول كۇندەرى ءبىر-بىرىنە قول ۇشىن سوزدى. بيىل ەلىمىزدە بالالار جىلى جاريالاندى، سونى دا ەسكەرە وتىرىپ، وسى كورمەنى وتكىزىپ وتىرمىز»، دەپ اتاپ ءوتتى.

ودان كەيىن ءسوز ال­عان ەلى­مىزدەگى كورەيا رەس­پۋب­لي­كا­سى­­نىڭ توتەنشە جانە وكى­لەتتى ەل­شىسى كۋ حونگ-سوك ەكى مەم­لە­كەتتىڭ 30 جىل­دا قا­لىپ­­­تاسقان دوستىعى مەن الداعى 30 جىلداعى تى­عىز ىن­تىماقتاستىعىن نى­عاي­تۋ ماقساتىندا بيىل قا­زاقستان مەن كورەيا اراسىندا «ما­دەني ال­­ماسۋ جىلى» جا­ريا­لان­عان­دىعىن جەتكىزدى.

«بۇگىنگى كورمەنى دۇنيە­جۇزىلىك بالالاردى قورعاۋ كۇنىنىڭ 100 جىلدىعى مەن قا­زاقستاندا بالالار جىلى اياسىندا ۇيىمداستىرىپ، قا­زاق­ستاندىقتارعا كورەيدىڭ ءداستۇرلى بالالار كيىمدەرىن ۇسىنىپ وتىرمىز.

بالالار – ءار وتباسىنىڭ قۋانىشى مەن ءۇمىتى عانا ەمەس بولاشاعىمىز. ۇسى­نىل­عان ەكسپوزيتسيالار كورەي مادە­نيەتى مەن ءداستۇرىنىڭ سۇ­لۋ­لىعىن سەزىندىرەدى دەپ سەنە­مىن»، دەدى ەلشى.

كورمەگە كورەي ءداستۇرلى بالالار كيىم­دەرىنىڭ ارتە­فاكتىلەرى مەن رەپرو­دۋكتسيا­لارى جانە XVIII-XIX عاسىر­لاردا اتا-انالار ءوز بالالارىنا ارناپ تىككەن كيىمدەرى مەن جاساعان قۇرال-جابدىقتارى قويىلدى. وسى جادىگەرلەر كورەي اتا-انالارىنىڭ ءوز بالالارىنا دەگەن ماحابباتى مەن قامقورلىعىن، ءۇمىتى مەن سەنىمىن ايشىقتى كورسەتە الدى. سونداي-اق ءىس-شارا اياسىندا «كىمگۆان» جانە «حۆاگۆان» اتتى كورەي ءداستۇرلى باس كيىمدەرىن دايىنداۋ قۇپياسىن بىلگىسى كەلگەندەرگە شەبەرلىك ساباعى ۇيىمداس­تىرىلدى.

ۆى

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار