پرەزيدەنت • 05 قازان، 2022

قازاقستان ساياسي ينستيتۋتتاردى جاڭعىرتاتىن كەزەڭگە قادام باستى - توقاەۆ

59 رەت كورسەتىلدى

مەملەكەت باسشىسى قاسىم-جومارت توقاەۆ قازاقستاندا سايلاۋ ناۋقانى قارقىن الىپ جاتقانىن ايتتى، دەپ حابارلايدى Egemen.kz.

«پرەزيدەنت سايلاۋى جاريالانعاننان كەيىن دايىندىققا جەتكىلىكتى ۋاقىت ءوتتى. بۇگىندە سايلاۋ ناۋقانى قارقىن العانىن كورىپ وتىرمىز. ۇمىتكەرلەر ۇسىنىلىپ، پارتيالار مەن قوعامدىق قوزعالىستار بەلسەندىلىك تانىتىپ جاتىر. ىشكى ساياسي ءومىردىڭ جاندانعانى كورىنىپ تۇر»، دەدى ەل پرەزيدەنتى پاۆلودار وبلىسىنىڭ جۇرتشىلىعىمەن كەزدەسۋدە.

قاسىم-جومارت كەمەل ۇلى بۇگىندە قازاقستان نەگىزگى ساياسي ينستيتۋتتاردى جاڭعىرتاتىن جاڭا ەلەكتورالدى كەزەڭگە قادام باسقانىن ايتتى.

ء«بىز بارلىق نەگىزگى ساياسي ينستيتۋتتاردى جاڭعىرتاتىن جاڭا ەلەكتورالدى كەزەڭگە قادام باستىق. وزدەرىڭىزگە ءمالىم، مەن ەلىمىزدەگى ەڭ ءىرى AMANAT پارتياسىنىڭ توراعاسى قىزمەتىنەن باس تارتتىم. كونستيتۋتسيالىق رەفورما ناتيجەسىندە پرەزيدەنتكە ءوز وكىلەتتىگىن اتقارۋ كەزىندە پارتيا قاتارىندا بولۋعا تىيىم سالىندى»، دەپ قوستى مەملەكەت باسشىسى.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار