«ەلىمىزدىڭ كۇشى ادامداردا, ولاردىڭ قايراتىندا, بىلىمىندە جانە پاتريوتتىعىندا. سوندىقتان دا ادامگەرشىلىك مەملەكەتتىك ساياساتىمىزدىڭ نەگىزگى ولشەمىنە اينالدى. قاراپايىم حالىقتىڭ مۇددەسىنە, ەلدىڭ الەمدىك اۋقىمدا تارتىمدى جاڭا كەلبەتىن قالىپتاستىرۋعا ەرەكشە كوڭىل ءبولۋىمىز كەرەك», دەدى پرەزيدەنت.
ونىڭ ايتۋىنشا, ۇلتتىق مادەنيەتتى شەتەلدە ىلگەرىلەتۋ مەن جاڭعىرتۋعا پاۆلودار وبلىسىنان كەلگەن «مادەني تولقىننىڭ» جاڭا قازاقستانداعى وكىلدەرى وراسان زور ۇلەس قوسۋدا.
«كلاسسيكالىق ونەردىڭ بىلگىرلەرى ەۋروپانىڭ ۇزدىك وپەرا ساحنالارىندا اريالاردى ورىندايتىن ماريا مۋدرياكتىڭ داۋىسىنان ءلاززات الادى. گرەممي سىيلىعىنىڭ يەگەرى يمانبەك زەيكەنوۆتىڭ تانىمال مۋزىكاسى بۇكىل الەم جاستارى اراسىندا ىستىق ىقىلاس تابادى. ولار ءوز ۇرپاعىنىڭ دارىندى وكىلدەرى بولا وتىرىپ, شەتەلدەردەگى مادەنيەتىمىزدىڭ تابىستى ەلشىلەرىنە اينالدى», دەپ اتاپ ءوتتى مەملەكەت باسشىسى.
