«اقتوبە» «اقجايىقتان» ۇتىلدى

وتاندىق فۋتبول تاريحىنداعى ەڭ ۇزدىك شابۋىلشىلاردىڭ ءبىرى بولعان سەرگەي كۆوچكيندى ەسكە تۇسىرۋگە ارنالعان XXI تۋردا توپ باسىنداعى كوماندالارعا قارا­عاندا, اۋتسايدەرلەردىڭ ايى وڭى­نان تۋدى. تۋر وتكەن سايىن تىقىر تايا­نىپ, چەمپيوناتتاعى ورنىن ساقتاپ قالۋعا تى­رىسىپ جاتقان «اقجايىق», «ماق­تا­ارال» سەكىلدى كوماندالار بۇل جولى قور­جىندارىن ماڭىزدى ءۇش ۇپايمەن تولىق­­تىرىپ, كەلەسى جىلى دا جوعارى توپتا ونەر كورسەتۋگە ءۇمىتتى ەكەندىكتەرىن بايقاتتى.

ەڭ كەيىنگى رەت شىلدەدە جەڭىلىپ, سوڭعى ءۇش ايدا ۇپايدان شاشاۋ شىعارماعان «اقتوبە» 21-تۋرعا كەلگەندە ءسۇرىندى. ورال­­دا جەرگىلىكتى «اقجايىق» كلۋبىمەن كەزدەسكەن اندرەي كارپوۆيچ شاكىرتتەرى 3:1 ەسەبىمەن جەڭىلىپ قالدى. الاڭ يەلەرى 90-مينۋتقا دەيىن قوناقتار قاقپاسىنا جاۋاپسىز ءۇش گول سوعىپ, ماتچتى ءىرى ەسەپپەن اياقتاۋعا جاقىن ەدى. الايدا 90-مينۋتتا جەرار گوۋ گول سوعىپ, ەسەپ ايىرماسىن ءبىر گولعا قىسقارتتى.

وسى تۋردىڭ تاعى ءبىر سەنساتسياسىن «ماقتا­ارال» جاسادى. تاراز قالاسىنا قو­ناققا بارعان تۇركىستان وبلىسىنىڭ كلۋبى وسىدان بىرەر اي بۇرىن چەمپيوناتتا كوش باستاعان «تارازدى» ءبىر دوپ ايىرماسىمەن جەڭىپ كەتتى. ويىنداعى جالعىز گولدى 35-مينۋتتا جان الي پايرۋز سوقتى. وسى­لايشا, تۋرنير كەستەسىندە سوڭعى ورىندا تۇرعان «ماقتاارال» ماڭىزدى ءۇش ۇپايى­نا قول جەتكىزىپ, ۇپاي سانىن 18-گە جەتكىزدى.

گريگوري باباياننىڭ «استاناعا» قايتا ورالۋى ازىرگە جانكۇيەرلەردى دە, كوماندا باسشىلىعىن دا قۋانتا قويعان جوق. وتكەن تۋردا ءوز الاڭىندا «توبىلدان» جەڭىلگەن (1:2) ەلوردالىقتار بۇل تۋردا «تۇرانمەن» ۇپاي بولىسۋگە ءماجبۇر بولدى. تۇركىستاندا وتكەن تارتىستى كەزدەسۋ 2:2 ەسەبىمەن تەڭ اياقتالدى. «تۇران» ساپىنان باقداۋلەت زۇلفىقاروۆ پەن ارتەم گۋ­رەنكو گول سوقسا, ەلوردالىقتاردان ابات ايىمبەتوۆ پەن مارين توماسوۆ مەرگەندىك تانىتتى. ءبىرىنشى تايمنىڭ 42-مينۋتىندا «استانانىڭ» جارتىلاي قورعاۋشىسى پەدرو ەۋدجەنيو پەنالتيدەن گول سوعا المادى. تۇركىستاننان ءبىر ۇپايمەن ەلور­داعا قايتقان «استانا» «اقتوبەمەن» اراداعى ۇپاي سانىن نەبارى بىرەۋگە عانا قىسقارتا الدى.

تۋرنير كەستەسىندە العاشقى ەكى ورىندا كەلە جاتقان كوماندالاردىڭ ۇپايدان شاشاۋ شىعارعانىن ءۇشىنشى ورىنداعى «توبىل» ءتيىمدى پايدالانىپ كەتتى. ءوز الاڭىندا قاراعاندىنىڭ «شاحتەرىن» قابىلداعان قوستانايلىقتار 3:1 ەسەبىمەن سەنىمدى جەڭىسكە جەتتى. ۇپاي سانىن 38-گە جەتكىزىپ, «استانامەن» تەڭەسكەن بىل­تىرعى ەل بىرىنشىلىگىنىڭ جەڭىمپازدارى چەمپيوندىق تالاسقا قايتا قوسىلدى. ماتچتىڭ ەسەبىن «توبىلدىڭ» كاپيتانى سەرىكجان مۇجىقوۆ اشقانىمەن, ستەفان بۋكوراتس ۇزىلىسكە دەيىن تارازى باسىن تە­ڭەستىردى. ماتچ سوڭىنا قاراي دۋشان يو­ۆانچيچ 11 مەترلىك ايىپ سوققىسىن ءدال ورىنداسا, كەيىننەن سەرج دەبلە كەزدەسۋدىڭ نۇكتەسىن قويدى.

سونداي-اق جۇلدەلى ورىندارعا تالاس جۇرگىزىپ جاتقان «قايرات» پەن «ور­داباسى» دا كەزەكتى ءۇش ۇپايلارىنا قول جەتكىزدى. الماتىلىقتار سىرت الاڭدا «قى­زىلجار» كلۋبىمەن كەزدەسىپ, سوڭعى مينۋتتا جەڭىستى ج ۇلىپ الدى. ءبىرىنشى تايمدا جواو پاۋلو الماتىلىقتاردى العا شىعارعانىمەن, ۇزىلىسكە دەيىن ەلگۋدجا لوبجانيدزە تارازى باسىن تەڭەستىردى. ەكىن­شى تايمنىڭ قوسىمشا ۋاقىتىندا ۆياچەسلاۆ شۆىرەۆ گول سوعىپ, قوناقتارعا جەڭىس سىيلادى.

ال «ورداباسى» ءوز الاڭىندا «اتى­راۋدى» قابىلداپ, 2:0 ەسەبىمەن جەڭىسكە جەتتى. گولداردى 38-مينۋتتا ءادىلحان دوباي مەن 90+5 مينۋتتا وديلبەك وبدي­ماجيتوۆ سوقتى. 21-تۋردان كەيىن «قايرات» 33 ۇپايمەن ءتورتىنشى, «ورداباسى» 32 ۇپايمەن بەسىنشى ساتىعا جايعاستى.

اقتاۋداعى «كاسپي» مەن «اقسۋ» اراسىن­داعى ماتچ الاڭ يەلەرىنىڭ پايدا­سىنا اياقتالدى – 1:0. شەشۋشى گولدى 41-مي­نۋتتا برازيليالىق لەگيونەر رۋان تەلەش سوقتى. وسى جەڭىسىنىڭ ارقاسىندا «كاس­پي» 29 ۇپاي جيناپ, 7-ورىنعا كوتە­رىلدى. «اقسۋ» ءبىر ساتى تومەندەپ, 9-ورىنعا تۇراقتادى.

كەلەسى تۋردىڭ ماتچتارى الداعى سەنبى, جەكسەنبى كۇندەرىنە جوسپارلانعان. ياعني 8 قازان كۇنى «اقتوبە» – «كاسپي» جانە «اقسۋ» – «توبىل» كوماندالارى ويناسا, 9 قازان جەكسەنبى كۇنى «تاراز» – «قىزىل­جار», «استانا» – «ورداباسى», «اتىراۋ» – «قايرات», «ماقتاارال» – «اقجايىق», «شاح­­تەر» – «تۇران» كوماندالارى جاسىل الاڭ­دا كەزدەسەدى.

تۋرنير كەستەسى