كونفەرەنتسياعا يۋنەسكو باس ديرەكتورىنىڭ ورىنباسارى سين تسيۋي, قر عىلىم جانە جوعارى ءبىلىم ۆيتسە-ءمينيسترى ت.ءى. ەشەنقۇلوۆ, يۋنەسكو جانىنداعى قازاقستان رەسپۋبليكاسىنىڭ تۇراقتى وكىلى, قازاقستان رەسپۋبليكاسىنىڭ فرانتسۋز رەسپۋبليكاسىنداعى جانە موناكو كنيازدىگىندەگى توتەنشە جانە وكىلەتتى ەلشىسى گ.م. ارىستانقۇلوۆا, وتاندىق جانە شەتەلدىك الاشتانۋشى, احمەتتانۋشى عالىمدار قاتىستى.
سالتاناتتى جيىنعا ارنالعان قر پرەزيدەنتى ق.ك. توقاەۆتىڭ قۇتتىقتاۋ ءسوزىن يۋنەسكو جانىنداعى قازاقستان رەسپۋبليكاسىنىڭ تۇراقتى وكىلى, قازاقستان رەسپۋبليكاسىنىڭ فرانتسۋز رەسپۋبليكاسىنداعى جانە موناكو كنيازدىگىندەگى توتەنشە جانە وكىلەتتى ەلشىسى گ.م. ارىستانقۇلوۆا وقىدى.
مەملەكەت باسشىسى قۇتتىقتاۋ سوزىندە «احمەت بايتۇرسىن ۇلىنىڭ «قازىرگى مادەنيەت الدەبىر ۇلتتىڭ, يا ءناسىلدىڭ جاساعان نارسەسى ەمەس, بۇكىل ادامزاتتىڭ بىرلەسە جۇمساعان كۇشى مەن داعدىلارىنىڭ ناتيجەسى» دەگەن ءسوزى يۋنەسكو-نىڭ باستى قاعيداتتارىمەن تىعىز استاسىپ جاتىر» دەپ اتاپ ءوتتى.
شارا اياسىندا احمەت باتۇرسىن ۇلىنىڭ ءومىرى مەن قىزمەتىن سيپاتتايتىن كورمە ۇيىمداستىرىلىپ, «قازاق وركەنيەتى جانە احمەت بايتۇرسىن ۇلى» اتتى بەينەروليك كورسەتىلگەن.
شارانىڭ سوڭىندا قازاق, تۇرىك, اعىلشىن جانە ورىس تىلدەرىندە جازىلعان «احمەت بايتۇرسىن ۇلى. تاڭدامالى شىعارمالارى» اتتى كىتاپتىڭ تۇساۋكەسەرى بولدى.
