قازاقستان • 13 قازان، 2022

قازاقستاندىقتار قازان ايىندا نەشە كۇن دەمالادى

381 رەت كورسەتىلدى

وسى جىلدان باستاپ قازاقستاندىقتاردا جاڭا مەرەكە – 25 قازاندا اتاپ وتىلەتىن رەسپۋبليكا كۇنى پايدا بولدى، دەپ حابارلايدى Egemen.kz.

«قازاقستان رەسپۋبليكاسىنداعى مەرەكەلەر تۋرالى» زاڭعا ەنگىزىلگەن وزگەرىستەرگە سايكەس رەسپۋبليكا كۇنى ۇلتتىق مەرەكە بولىپ بەكىتىلدى.

ول سەيسەنبىگە كەلەدى جانە جۇمىس ۋاقىتىن ۇتىمدى پايدالانۋ ءۇشىن قازاقستان ۇكىمەتى دەمالىس كۇنىن 2022 جىلعى 22 قازانداعى سەنبىدەن 2022 جىلعى 24 قازانداعى دۇيسەنبىگە اۋىستىرۋ تۋرالى قاۋلى دايىندادى.

وسىلايشا، رەسپۋبليكا كۇنىنە بەس كۇندىك جۇمىس اپتاسىندا قازاقستاندىقتار 23، 24 جانە 25 قازاندا دەمالادى.

التى كۇندىك جۇمىس اپتاسىندا - ەكى كۇن، 23، 25 قازاندا دەمالادى.

قازان ايىنداعى بارلىق جۇمىس جانە دەمالىس كۇندەرى:

  • بەس كۇندىك جۇمىس اپتاسىندا - 20 جۇمىس كۇنى جانە 11 دەمالىس كۇنى;
  • التى كۇندىك جۇمىس اپتاسىندا - 25 جۇمىس كۇنى جانە التى دەمالىس كۇنى.

22 قىركۇيەكتە قر پارلامەنتى سەناتىنىڭ جالپى وتىرىسىندا دەپۋتاتتار 25 قازان – رەسپۋبليكا كۇنىن مەملەكەتتىك مەرەكەلەر قاتارىنا قايتارۋدى كوزدەيتىن كينەماتوگرافيا، مادەنيەت جانە مەرەكەلەر ماسەلەلەرى بويىنشا تۇزەتۋلەر قابىلدادى.

16 ماۋسىمدا قازاقستان پرەزيدەنتى قاسىم-جومارت توقاەۆ رەسپۋبليكا كۇنىنە ۇلتتىق مەرەكە مارتەبەسىن قايتارۋدى ۇسىندى. بۇل تۋرالى ول ۇلتتىق قۇرىلتايدىڭ ءبىرىنشى وتىرىسىندا حابارلادى.

 

سوڭعى جاڭالىقتار

دوللار باعامى تومەندەدى

قارجى • بۇگىن، 16:10

ۇقساس جاڭالىقتار