تالدىقورعان قالاسىنىڭ تۇرعىنى مەملەكەتتىك باعدارلاما بويىنشا پاتەر الۋعا كومەكتەسەمىز دەپ ەكى ازاماتتىڭ 9 ميلليون تەڭگەدەن استام اقشاسىن الاياقتىق جولمەن الىپ العان. الدانعانىن بىلگەن جابىرلەنۋشىلەر پوليتسياعا بىردەن حابارلاسقان.
«ايەل جابىرلەنۋشىلەردىڭ بىرىنەن 4 ميلليون تەڭگە, ەكىنشىسىنەن 5,2 ميلليون تەڭگە العان. ول مەملەكەتتىك قۇرىلىمداردىڭ قىزمەتكەرى ەمەس جانە مەملەكەتتىك باعدارلاما بويىنشا تۇرعىن ءۇي بولۋمەن اينالىساتىن كوميسسياعا قاتىسى جوق. 48 جاستاعى ايەل قاماۋعا الىندى. قىلمىستىق ءىس قر قك 190-بابىنىڭ 3-بولىگى «الاياقتىق» بويىنشا جۇرگىزىلۋدە», دەدى وبلىستىق ءىىد تەرگەۋ باسقارماسىنىڭ باستىعى رۋسلان چاراپيەۆ.
