ەلوردا • 04 قازان، 2022

استانادا وتكەن «OTBASY DUATLON 2022» جارىسىنا جۇزدەن استام وتباسى قاتىستى

45 رەت كورسەتىلدى

استاناداعى ترياتلون ساياباعىندا وتكەن وتباسىلىق دۋاتلونعا ەلوردالىق 109 وتباسى قاتىستى. جارىس ەكى سپورت تۇرىنەن ءۇش قاشىقتىقتا وتكىزىلدى، دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ. 

 

اتالعان سايىس بالالار جىلىنا وراي استانا قالاسى اكىمدىگىنىڭ قولداۋىمەن قالالىق دەنە شىنىقتىرۋ جانە سپورت باسقارماسىنىڭ ۇيىتقى بولۋىمەن ۇيىمداستىرىلدى. سايىسقا استانا قالاسىنىڭ بارلىق نيەت بىلدىرگەن وتباسىلارى قاتىستى.

جارىس ەكى سپورت تۇرىنەن ءۇش قاشىقتىقتا وتكىزىلدى. ەڭسەرەتىن قاشىقتىقتىڭ جالپى ۇزىندىعى 4،5 شاقىرىمدى قۇرادى.

«OTBASY DUATLON 2022» جارىسى داستۇرگە اينالدى. بيىل التىنشى رەت وتكىزىپ وتىرمىز. جارىسقا قاتىسۋعا نيەت بىلدىرگەن وتباسىلار ەداۋىر ارتتى. كەلەر جىلى 5-6 جاستاعى بالالاردى قوسپاقشىمىز. جارىسقا قاتىسۋعا وتىنىمدەر الدىن الا ەلەكتروندى تۇردە قابىلداندى، مىندەتتى تۇردە شلەم مەن دارى­گەردىڭ رۇقساتى بولۋى كەرەك. جالپى، بيىلعى دۋاتلوندا بالالار ءۇشىن ءۇش سانات – 8-9، 10-11 جانە 12-13 جاس بەلگىلەندى. وتباسىلىق سايىستىڭ العاشقى بولىمىندە جالپى ۇزىندىعى 4،5 شاقىرىم قاشىقتىققا – الدىمەن 2،1 قاشىقتىققا اكەلەر جۇگىردى، ودان ءارى ەستافەتانى ۆەلوسيپەدكە مىنگەن انالار الدى. جارىستى بالالار مارەگە دەيىن 200 مەتر جۇگىرۋمەن اياقتادى»، دەيدى استانا قالاسىنىڭ دەنە شىنىقتىرۋ جانە سپورت باسقارماسىنىڭ باسشىسى سامات جىلقىباەۆ.  

بارلىق وتباسىعا قاتىسقانى ءۇشىن فينيشورلىق مەدالدارمەن GALANZ bottlers كومپانياسى ۇسىنعان Sevens سۋى تابىستالىپ، جەڭىمپازدار I، II، III ورىن ديپلومدارىمەن جانە باعالى سىيلىقتارمەن، ياعني ءار جەڭىمپاز كوماندا مۇشەلەرىنە تەلەديدار، ميكروتولقىندى پەش، شاڭسورعىش، تەرموپوت، سمارتفون، سمارت ساعات، ۆەلوسيپەد سەكىلدى باعالى سىيلىقتار تابىستالدى. 

جەڭىمپازداردى ماراپاتتاۋ جانە قۇتتىقتاۋ سالتاناتى لوتەرەيا ۇتىسىمەن جالعاستى. جارىسقا قاتىسۋشىلار اراسىندا تىركەۋ نومىرلەرى بويىنشا لوتەرەيادا 10 ۆەلوسيپەد پەن قازاقستان بويىنشا ەڭ ءدامدى DODO مەيرامحاناسىنان ارنايى سەرتيفيكاتتار ويناتىلدى.

سوڭعى جاڭالىقتار

سوت جۇيەسىن جەتىلدىرۋ

ساياسات • بۇگىن، 00:06

ماقتاشىلاردىڭ مۇڭى

ەكونوميكا • كەشە

ۋاقىت تالابى

قوعام • كەشە

كۇرەسكەر گەينە

ادەبيەت • كەشە

اجالدى جەڭگەن اسپان

ادەبيەت • كەشە

اعاش كوشەتى ەگىلدى

ايماقتار • كەشە

قاسقىر

ونەر • كەشە

ۇقساس جاڭالىقتار