وقيعا • 03 قازان، 2022

يندونەزيادا قاقتىعىس كەزىندە قازا تاپقاندار سانى 174-كە جەتتى

49 رەت كورسەتىلدى

يندونەزيانىڭ ياۆا ارالىندا فۋتبول ماتچى كەزىندەگى كورەرمەندەر قاقتىعىسىنان 174 ادام قازا تاۋىپ، ونداعان ادام جاراقات الدى، دەپ حابارلايدى Egemen.kz.

جانجال يندونەزيالىق Arema مەن Persebaya Surabaya كلۋبتارى اراسىندا وتكەن ماتچتان كەيىن پايدا بولدى. Arema كومانداسى 3-2 ەسەبىمەن جەڭىلىپ قالعان. بۇعان اشۋلانعان ولاردىڭ جانكۇيەرلەرى ويىنشىلارعا بوتەلكە لاقتىرىپ، الاڭعا قاراي جۇگىرگەن.

وسى كەزدە پوليتسيا كوزدەن جاس اعىزاتىن گاز قولدانعان. مۇنىڭ سوڭى دۇربەلەڭ مەن توبەلەسكە ۇلاسقان.

بيلىكتىڭ حابارلاۋىنشا، بەيبەرەكەتتىكتەن ستاديوندا 34 ادام قايتىس بولعان. ال باسقالارى جاقىن ماڭداعى اۋرۋحانالارعا جەتكىزىلگەن سوڭ كوز جۇمعان.

ج

شىعىس ياۆا پوليتسياسىنىڭ باسشىسى نيكو افينتا قازا تاپقاندار سانى ارتۋى مۇمكىن ەكەنىن ايتتى. ويتكەنى جاراقات العانداردىڭ كوبىنىڭ جاعدايى اۋىر.

بۇل وقيعا الەم بويىنشا ستاديوندا بولعان ەڭ ءىرى قاقتىعىستار قاتارىنا ەندى. ەسكە سالساق، 1996 جىلعى الەم چەمپيوناتىنىڭ ىرىكتەۋ كەزەڭىندە گۆاتەمالا مەن كوستا-ريكا اراسىندا وتكەن ويىندا 80-نەن استام ادام قازا تاۋىپ، 100-دەن استام ادام جاراقات العان ەدى.

ەسكە سالا كەتسەك، كەشە ياۆا ارالىندا وتكەن فۋتبول ماتچىندا 129 ادام قازا تاپقانىن حابارلاعان ەدىك.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار