فوتو: ۆيدەودان الىنعان كادر
ۆەدومستۆو مالىمەتىنشە, ازاماتتىق اۆياتسيا كوميتەتى اۋەجايعا قاتىستى اكىمشىلىك قۇقىق بۇزۋشىلىق تۋرالى كودەكس شەڭبەرىندە شارا قولدانعان. بۇل شەشىم جولاۋشىلار قاۋىپسىزدىگى مەن ينفراقۇرىلىم تالاپتارىنىڭ ساقتالۋىن قامتاماسىز ەتۋ ماقساتىندا قابىلدانعان.
وقيعادان كەيىن اۋەجاي باسشىلىعى دا كادرلىق شەشىمدەرگە بارعان. اتاپ ايتقاندا, تەحنيكالىق ماسەلەلەرگە جاۋاپتى اعا ۆيتسە-پرەزيدەنت مەحمەت گيۋزەلگە تارتىپتىك جازا قولدانىلدى.
الماتى اۋەجايىندا 11 كەلى ەسىرتكىمەن شەتەلدىك ۇستالدى: ول ءومىر بويىنا سوتتالۋى مۇمكىن
اۋەجاي اكىمشىلىگى جولاۋشىلاردان كەلتىرىلگەن قولايسىزدىقتار ءۇشىن كەشىرىم سۇراپ, انىقتالعان كەمشىلىكتەردى جويۋ جۇمىستارى باستالعانىن حابارلادى. قازىر اقاۋلاردى تۇزەتۋ شارالارى جەدەل تۇردە جۇرگىزىلىپ جاتىر, ال سۋ باسۋ سەبەپتەرىن تولىق جويۋ 6 اي ىشىندە اياقتالادى دەپ جوسپارلانعان.
كولىك مينيسترلىگى مۇنداي جاعدايلارعا جول بەرىلمەيتىنىن اتاپ ءوتتى. سالاداعى زاڭ تالاپتارىنىڭ ساقتالۋى مەن اۆياتسيالىق ينفراقۇرىلىمنىڭ تۇراقتى جۇمىسى قاتاڭ باقىلاۋدا بولادى.
ەسكە سالايىق, 3 مامىر كۇنى الماتىدا نوسەر جاڭبىر جاۋىپ, سونىڭ سالدارىنان اۋەجاي عيماراتىنىڭ شاتىرى ارقىلى سۋ ىشكە وتكەن. كەيىن الەۋمەتتىك جەلىلەردە تەكسەرۋ جانە پاسپورتتىق باقىلاۋ ايماقتارىندا سۋ سالدارىن جويۋ جۇمىستارى تۇسىرىلگەن بەينەجازبالار تارادى. كۋاگەرلەردىڭ ايتۋىنشا, سۋ شاتىردان تىكەلەي عيمارات ىشىنە اققان.
الماتى اۋەجايىنداعى تەرمينالداردى جاڭارتۋ جۇمىستارى قاشان اياقتالادى؟
