فوتو: qr-pib.kz
ەلوردالىق مەديتسينالىق مەكەمەدە قولدانىستاعى JCI سەرتيفيكاتىن كەڭەيتۋ بويىنشا ينسپەكتسيالىق اۋديت ءوتتى. تەكسەرۋ جاڭا 80 ورىندىق كوپسالالى ستاتسيونار مەن ءبىر اۋىسىمدا 450 كەلۋشى قابىلدايتىن ەمحانا عيماراتىنىڭ ىسكە قوسىلۋىنا بايلانىستى جۇرگىزىلگەن. اۋديت قورىتىندىسى بويىنشا اۋرۋحانا قىزمەتى حالىقارالىق ستاندارتتارعا تولىق ساي كەلەتىنى راستالدى. بۇل اككرەديتاتسيا – مەديتسينالىق قىزمەت قاۋىپسىزدىگى مەن ساپاسىنىڭ الەمدىك دەڭگەيدەگى ەڭ بەدەلدى ءارى وبەكتيۆتى باعاسى.
ەندى مەديتسينا تۇلەكتەرىنە رەزيدەنتۋرانى وتپەي-اق جۇمىس ىستەۋىنە رۇقسات بەرىلەدى
JCI جۇيەسى جاھاندىق دەنساۋلىق ساقتاۋ سالاسىنداعى «التىن ستاندارت» سانالادى. قازىرگى تاڭدا ول الەمنىڭ 60 ەلىندەگى 1000-نان استام جەتەكشى مەملەكەتتىك جانە جەكەمەنشىك مەديتسينالىق ۇيىمداردا ەنگىزىلگەن. پرەزيدەنت ءىس باسقارماسى مەديتسينالىق ورتالىعىنىڭ اۋرۋحاناسى وسى قاتارعا 2016 جىلدان بەرى كىرەدى. سودان بەرى مەكەمە 2019, 2022 جانە 2025 جىلدارى حالىقارالىق تالاپتارعا سايكەستىگىن جۇيەلى تۇردە راستاعان.
اۋرۋحانا ينفراقۇرىلىمى كەزەڭ-كەزەڭىمەن دامىپ كەلەدى. اتاپ ايتقاندا, 2023 جىلى 200 ورىندىق ەمدەۋ كورپۋسى مەن تسيكلوترونى بار وندىرىستىك كەشەن ىسكە قوسىلدى. بۇل جوبالاردىڭ بارلىعى حالىقارالىق حاتتامالارعا ساي قاتاڭ باقىلاۋمەن جۇزەگە اسىرىلعان.
سوڭعى ءاۋديتتىڭ ءساتتى ءوتۋى مەديتسينالىق ۇيىمنىڭ پاتسيەنت قاۋىپسىزدىگىن قامتاماسىز ەتۋ مەن ەمدەۋ تيىمدىلىگىن ارتتىرۋداعى جوعارى دايىندىق دەڭگەيىن كورسەتتى. ال JCI سەرتيفيكاتىنىڭ جاڭا نىساندارعا كەڭەيتىلۋى اۋرۋحانانىڭ وتاندىق مەديتسينانىڭ كوشباسشىسى رەتىندەگى مارتەبەسىن ايقىنداي تۇسەدى.
مەديتسينادا جاساندى ينتەللەكت قولدانۋ: جاڭا نورماتيۆتىك قۇجات ازىرلەندى
