ادەبيەت • 03 قازان، 2022

«اباي جولى» رومانى ازەربايجان تىلىندە جارىق كوردى

65 رەت كورسەتىلدى

حالىقارالىق تۇركى اكادەمياسى الماتى قالاسىندا ءوتىپ جاتقان مۇحتار اۋەزوۆتىڭ 125 جىلدىق مەرەيتويىنا ارنالعان «م.و. اۋەزوۆ مۇراسى جانە الەمدىك وركەنيەت» اتتى حالىقارالىق عىلىمي-پراكتيكالىق كونفەرەنتسيا اياسىندا «اباي جولى» رومان ەپوپەياسىنىڭ ازەربايجان تىلىندەگى جاڭا باسىلىمىن تانىستىردى، دەپ حابارلايدى Egemen.kz.

العاش رەت رومان 1954 جىلى باۋىرلاس ازەربايجان تىلىندە اۋدارىلىپ، باكۋ قالاسىندا جارىق كورگەن ەدى. بيىل تۇركى اكادەمياسى «اباي» رومانىن تولىقتاي قازىرگى ازەربايجان الىپبيىنە ءتۇسىرىپ، زاڭعار جازۋشىنىڭ 125 جىلدىق مەرەيتويىنا وراي باسىپ شىعارىپ وتىر.

ازەربايجان وقىرماندارىمەن قايتا قاۋىشقان رومان-ەپوپەيا ازەربايجان رەسپۋبليكاسىنىڭ كىتاپحانالارى مەن عىلىمي ۇيىمدارىنا تاراتىلادى.

ايتا كەتسەك، روماندا ۇلى اقىن اباي قۇنانباي ۇلىنىڭ ءومىرى ارقىلى قازاق حالقىنىڭ كەڭەستىك كەزەڭ قارساڭىنداعى ءبۇتىن ءبىر ءداۋىرى جان-جاقتى بەينەلەنگەن. اتالعان تۋىندى الەمنىڭ 120-دان استام تىلىنە تارجىمالانعان.

«دوستىق ۇيىندە» وتكەن القالى جيىنعا م.و.اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى كەنجەحان ماتىجانوۆ، مەملەكەت جانە قوعام قايراتكەرى، جازۋشىنىڭ ۇلى مۇرات اۋەزوۆ، حالىقارالىق تۇركى اكادەمياسىنىڭ تۇراقتى حاتشىسى اسحات كەسىكباەۆ، اقش-تىڭ الماتىداعى باس كونسۋلى كەرولاين سەۆيدج، الماتى قالاسى اكىمىنىڭ ورىنباسارى ارمان قىرىقباەۆ، كورنەكتى فولكلورتانۋشى، اكادەميك سەيىت قاسقاباسوۆ، حالىق جازۋشىسى ولجاس سۇلەيمەنوۆ،  «م.و. اۋەزوۆ ءۇيى» عىلىمي-مادەني ورتالىعىنىڭ  ديرەكتورى ديار قوناەۆ، ف.م. دوستاەۆسكي ادەبي-مەموريالدىق مۋزەيىنىڭ ديرەكتورى ناتاليا اشيمباەۆا،  نيزامي اتىنداعى پەداگوگيكالىق ۋنيۆەرسيتەتىنىڭ پروفەسسورى قالدىبەك سەيدانوۆ، باكۋ سلاۆيان ۋنيۆەرسيتەتىنىڭ پروفەسسورى نيزامي مامەدوۆ، پەچ ۋنيۆەرسيتەتىنىڭ پروفەسسورى ۆالەنتينا ۆەگۆاري، سونىمەن قاتار ازەربايجان، قىرعىزستان، ماجارستان، نيدەرلاندى، وڭتۇستىك كورەيا، وزبەكستان، رەسەي جانە باسقا ەلدەردىڭ جەتەكشى عالىمدارى، جازۋشىلار، زيالى قاۋىم وكىلدەرى، زەرتتەۋ ينستيتۋتتارىنىڭ عىلىمي قىزمەتكەرلەرى، وقىتۋشىلار مەن جاس عالىمدار قاتىستى.

ە

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار