قازاقستاندىقتارعا ىڭعايلى بولۋى ءۇشىن كومىردى تانىمال ماركەتپلەيستەر مەن بانك قوسىمشالارى ارقىلى وتكىزۋ جولدارى پىسىقتالىپ جاتىر. بۇل باعىتتا ەلىمىزدەگى ەڭ ءىرى بانكتەردىڭ ءبىرى قوستاناي وبلىسىندا پيلوتتىق جوبانى ىسكە قوستى. پرەمەر-مينيستر بۇل ءتاسىل كومىر ساتىلاتىن ورىنداردا كەزەكتەردى ازايتۋعا مۇمكىندىك بەرەتىنىن اتاپ ءوتتى.
«بۇل – تۇتىنۋشىلارعا قولايلى, وتە جاقسى تسيفرلىق شەشىم. ۇيدەن شىقپاي-اق كومىرگە تاپسىرىس بەرۋگە بولادى. جەرگىلىكتى جەرلەردە ءتيىستى ءتۇسىندىرۋ جۇمىستارىن جۇرگىزۋ قاجەت», دەدى ءاليحان سمايىلوۆ. سونداي-اق ۇكىمەت باسشىسى كومىر جەتكىزۋ مەن ءبولۋدى ەرەكشە باقىلاۋدا ۇستاۋدى تاپسىردى.
