الەم • 01 قازان، 2022

يسپانيادا عىلىمي تاجىريبە كەزىندە جارىلىس بولىپ، 18 ادام زارداپ شەكتى

60 رەت كورسەتىلدى

يسپانيانىڭ جيرونا پروۆينتسياسىندا (كاتالونيا) جەرگىلىكتى جوو كوشەدە جۇرگىزگەن عىلىمي تاجىريبە كەزىندە جارىلىس بولىپ، 18 ادام، ونىڭ ىشىندە ون بالا زارداپ شەكتى، دەپ حابارلايدى Egemen.kz.

جەرگىلىكتى جوعارى وقۋ ورنىنىڭ قىزمەتكەرى كوشەدە 300-گە جۋىق ادامنىڭ الدىندا  سىناق جۇرگىزدى. اتالعان سىناقتىڭ ماقساتى سۇيىق ازوت پەن ىستىق سۋدى بوشكەگە بىرىكتىرگەندە نە بولاتىنىن كورسەتۋ بولدى. ەكسپەريمەنتكە عالىم مەن ونىڭ كومەكشىسى قاتىستى، بىرەۋى سۇيىقتىق قۇيسا، ەكىنشىسى مەتالل بارابانداردى ۇستادى. ءبىرىنشىسى ىدىستارعا سۋ مەن ازوت قۇيا باستاعاندا جارىلىس بولدى.

زارداپ شەككەندەر كۇيىك الماعان. الايدا، جارىلعان مەتالل كانيستردىڭ سىنىقتارىنان كوپتەگەن ادامدار زارداپ شەكتى. بەس جاسار قىز اۋىر جاراقات الىپ، جيرونا اۋرۋحاناسىنا جەتكىزىلدى. عالىمنىڭ كومەكشىسى دە اۋىر جاراقات الدى.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار