پارلامەنت • 01 قازان، 2022

سورتتىق تۇقىمدار قازاقستانعا شەتەلدەن كەلەدى - اقىلبەك كۇرىشباەۆ

71 رەت كورسەتىلدى

وتاندىق اۋىلشارۋاشىلىعى ونىمدەرى باعاسىنىڭ جوعارى بولۋى دەلدالداردىڭ كوپتىگىنەن عانا ەمەس، سونىمەن بىرگە ونىمدەردىڭ وزىندىك قۇنىنىڭ جوعارى بولۋىنا دا بايلانىستى، دەپ حابارلايدى Egemen.kz.

تابيعي-كليماتتىق جاعدايلارى بىردەي ەلدەرگە قاراعاندا قازاقستاندا اۋىل شارۋاشىلىعى داقىلدارىنىڭ ونىمدىلىگى الدەقايدا تومەن. سەناتور ونىمدىلىگى جوعارى جانە قۇرعاقشىلىققا ءتوزىمدى سورتتار مەن بۋدانداردىڭ ەلىمىزدەگى جەتىسپەۋشىلىگى - ونىڭ باستى سەبەبى دەپ سانايدى.

قازاق ەگىنشىلىك جانە وسىمدىك شارۋاشىلىعى عىلىمي-زەرتتەۋ ينستيتۋتىندا وتكەن كەزدەسۋ بارىسىندا وتاندىق جانە شەتەلدىك جەتەكشى عالىمدار ەلىمىزدە سەلەكتسيا مەن تۇقىم شارۋاشىلىعىن جەدەل دامىتۋ ءۇشىن قانداي شارالار قولدانۋ كەرەكتىگىن تالقىلادى.

اقىلبەك كۇرىشباەۆتىڭ ايتۋىنشا، قازىرگى ۋاقىتتا سورتتىق تۇقىمداردىڭ 60%-ى، ال بىرقاتار اۋىل شارۋاشىلىعى داقىلدارىنىڭ 100%-ى قازاقستانعا شەتەلدەن، كوبىنەسە رەسەي فەدەراتسياسىنان اكەلىنەدى. وسىلايشا، دەپۋتات ەلدە ازىق-ت ۇلىك قاۋىپسىزدىگىنىڭ نەگىزى بۇزىلدى دەپ سانايدى.

«سانكتسيالىق تەكەتىرەستىڭ قازىرگى جاعدايىندا ءبىزدىڭ ارىپتەستەرىمىز سۇرىپتىق تۇقىم ەكسپورتىن توقتاتاتىن بولسا، وندا قازاقستاننىڭ اۋىل شارۋاشىلىعى ساپالى تۇقىم ماتەريالىنسىز قالۋى مۇمكىن»، دەدى سەناتور.

ساراپشىلار شەتەلدىك ۇزدىك سەلەكتسيالىق جاڭالىقتاردى ترانسفەرتتەۋ جانە بەيىمدەۋگە بايلانىستى  ەلىمىزدىڭ سولتۇستىگىندە – باراەۆ اتىنداعى استىق شارۋاشىلىعىنىڭ عوو بازاسىندا جانە وڭتۇستىگىندە – قازاق ەگىنشىلىك جانە وسىمدىك شارۋاشىلىعى عىلىمي-زەرتتەۋ ينستيتۋتىنىڭ بازاسىندا قازىرگى زامانعى جانە مولەكۋليارلىق بيولوگيا ادىستەرى نەگىزىندە وتاندىق سورتتار مەن بۋدان شىعاراتىن ەكى سەلەكتسيالىق ورتالىقتى جەدەل تۇردە قۇرۋدى ۇسىندى.

«وتاندىق تۇقىم شارۋاشىلىعىندا قالىپتاسقان جاعدايدان شىعۋدىڭ جالعىز جولى – قازىرگى زامانعى سەلەكتسيالىق ورتالىق قۇرۋ بولىپ وتىر. جوعارى ءونىمدى جانە قۇرعاقشىلىققا ءتوزىمدى، جەرگىلىكتى اۋا-رايىنا بەيىمدەلگەن ءوزىمىزدىڭ سورتتارىمەن ءبىز اۋىلشارۋاشىلىعى وندىرىسىندەگى تۇراقتىلىق پەن ونىمدىلىكتى ارتتىرۋدا ايتارلىقتاي سەرپىلىس جاساي الامىز. وتاندىق عالىمدار شەتەلدىك ارىپتەستەرمەن بىرلەسە وتىرىپ، ۇكىمەت تاراپىنان ءتيىستى مەملەكەتتىك قولداۋدى تالاپ ەتەتىن سەلەكتسيالىق ورتالىقتار قۇرۋ باعدارلاماسىن ازىرلەۋگە دايىن»، دەپ اتاپ ءوتتى اقىلبەك كۇرىشباەۆ.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار