قاراعاندى وبلىسىندا كومىردى قايتا وڭدەيتىن كاسىپورىن سالىنادى

استانا. 20 مامىر. قاراعاندى وبلىسىندا قىتايدىڭ «تسينحۋا» كورپوراتسياسى كومىردى قايتا وڭدەيتىن جانە سينتەتيكالىق سۇيىق وتىن وندىرەتىن كاسىپورىننىڭ قۇرىلىسىن باستايدى. بۇل تۋرالى «قازاقپارات» حابارلادى. حابارلامادا جازىلعانداي, مەملەكەت باسشىسى اتالعان جوباعا جوعارى باعالاعان. كاسىپورىن ەكولوگيالىق تالاپتارعا تولىق جاۋاپ بەرەتىن كورىنەدى. قاراعاندى وبلىسىندا قۇرىلاتىن بۇل ءوندىرىس ورنىنان بەنزين, ديزەل وتىنى, ەلەكتر ەنەرگياسى جانە كوپتەگەن حيميالىق ونىمدەر شىعارىلماق.  الدىن الا بولجام بويىنشا,  اتالعان كاسىپورىندى قۇرۋعا 2 ملرد. دوللار كولەمىندە قارجى كەتەدى ەكەن. مامانداردىڭ ايتۋىنشا, بۇل جوبا ەلىمىزدىڭ ەنەرگيا تەڭگەرىمى مەن ەكولوگياسى ءۇشىن جوعارى مانگە يە. سونداي-اق, وسى جوبانىڭ ناتيجەسىندە كومىر حيمياسى ونەركاسىبىندەگى ىلگەرلەۋشىلىككە قول جەتكىزىلمەك. جولدىباي بازار. دەرەككوز: «قازاقپارات». فوتو: newskaz.kz.