ءبىلىم • 30 قىركۇيەك، 2022

ەلدەگى 654 مەكتەپتە شاحمات تاڭداۋ ءپانى رەتىندە ەنگىزىلدى

53 رەت كورسەتىلدى

وقۋ-اعارتۋ ءمينيسترى اسحات ايماعامبەتوۆ حالىقارالىق شاحمات فەدەراتسياسىنىڭ پرەزيدەنتى اركادي دۆوركوۆيچپەن كەزدەستى، دەپ حابارلايدى Egemen.kz.

«كەشە مەملەكەت باسشىسى قاسىم-جومارت توقاەۆ حالىقارالىق شاحمات فەدەراتسياسىنىڭ پرەزيدەنتى اركادي دۆوركوۆيچتى قابىلدادى. كەزدەسۋدە پرەزيدەنت وقۋشىلار اراسىنداعى شاحمات قوزعالىسىن دامىتۋدىڭ ماڭىزدى ەكەنىنە توقتالدى. بۇگىن مەملەكەت باسشىسىنىڭ تاپسىرماسىن جۇزەگە اسىرۋ اياسىندا حالىقارالىق شاحمات قاۋىمداستىعىنىڭ پرەزيدەنتى اركادي دۆوركوۆيچپەن وقۋشىلار اراسىندا شاحمات قوزعالىسىن دامىتۋ بويىنشا ىنتىماقتاستىقتى تالقىلادىم.
 
شاحماتتى ناسيحاتتاۋ، وقىتۋ ادىستەمەسى، باسقا ەلدەردىڭ تاجىريبەسىن زەرتتەۋ، سونداي-اق مۇعالىمدەردى دايارلاۋ ماسەلەلەرىن تالقىلادىق. اركادي دۆوركوۆيچ پەن قازاقستان شاحمات فەدەراتسياسىنداعى ارىپتەستەرىمىز مينيسترلىكتىڭ باستامالارىن قولداپ، بالالاردى شاحمات ورتاسىنا تارتۋ جۇمىستارىنا اتسالىسۋعا دايىن ەكەنىن جەتكىزدى»، دەپ جازدى ا.ايماعامبەتوۆ فەيسبۋك پاراقشاسىندا.
 
ونىڭ ايتۋىنشا، قازىر مەكتەپتەردە «شاحمات» فاكۋلتاتيۆ ءپانىن ەنگىزۋ جانە شاحمات بويىنشا قوسىمشا سەكتسيالاردى اشۋ بويىنشا بەلسەندى جۇمىس جۇرگىزىلىپ جاتىر.
 
«دەنە شىنىقتىرۋ بويىنشا ۇلگىلىك وقۋ باعدارلاماسىنىڭ بولىمىنە «شاحمات»، «توعىزقۇمالاق» جانە ت. ب. وقۋ ەنگىزىلدى. وقۋ جىلى باستالعالى بەرى شاحمات تاڭداۋ ءپانى رەتىندە 28 مىڭعا جۋىق بالاعا ارنالعان 654 مەكتەپتە ەنگىزىلدى. ال مەكتەپتەردەگى شاحمات سەكتسيالارىنىڭ سانى 7 مىڭنان اسىپ، 60 مىڭنان استام بالا ولارعا قاتىسۋعا مۇمكىندىك الدى. بۇل جۇمىستى ءارى قاراي دا بەلسەندى تۇردە دامىتۋدى جالعاستىرامىز.
 
قوسىمشا ءبىلىم بەرۋ ۇيىمدارىنداعى بالالاردى دا شاحمات ويناۋعا ۇيرەتۋ ماسەلەسى ۇمىت قالعان جوق. وندا بالالارعا ارنالعان 3،5 مىڭعا جۋىق شاحمات ۇيىرمەسى قۇرىلعان»، دەلىنگەن جازبادا.
 
سونداي-اق ول شاحمات قوزعالىسىن دامىتۋ ءۇشىن كادرلارمەن قامتاماسىز ەتۋ ماسەلەلەرىنە كوپ كوڭىل بولىنەتىنىن ايتتى. بۇگىندە بۇل شەكتەۋشى فاكتورلاردىڭ ءبىرى.
 
ء«بىز فەدەراتسيامەن وسى باعىتتا جۇمىس ىستەۋگە ۋاعدالاستىق. سونداي-اق وقۋ-ادىستەمەلىك قۇرالداردى، ارنايى پورتالدى دايىنداۋ، شاحمات تۋرنيرلەرىن وتكىزۋ جانە جاتتىقتىرۋشىلار مەن مۇعالىمدەردىڭ بىلىكتىلىگىن ارتتىرۋ ماسەلەلەرى تالقىلاندى. تۋرنيرلەر مەن ءتۇرلى جارىستاردى وتكىزۋ ماڭىزدى. بيىل شاحماتتان «اقبوزات» رەسپۋبليكالىق ءتۋرنيرى وتەدى. وعان ەلىمىزدىڭ بارلىق وڭىرىنەن 2-11 سىنىپ وقۋشىلارى قاتىسادى. مەكتەپ ليگاسى بويىنشا جۇمىستار جۇرگىزىلىپ جاتىر»، دەدى ول.
 
بۇدان سوڭ، مينيستر جەرگىلىكتى اتقارۋشى ورگانداردىڭ بالالارعا قوسىمشا ءبىلىم بەرۋگە ارنالعان مەملەكەتتىك تاپسىرىستى ورنالاستىرۋى ءۇشىن زاڭنامالىق نورما بەكىتىلگەنىن ءسوز ەتتى. 
 
ء«بىز ءۇشىن مۇمكىندىگىنشە كوپ بالانىڭ شاحمات ساباقتارىنا قاتىسا الۋى ماڭىزدى. وقۋ ورىندارىندا بارلىق قاجەتتى شارا قاراستىرىلعان شاحماتتى دامىتۋدىڭ ارنايى جول كارتاسى دايىندالدى. قازىر قازاقستاندىق شاحماتشىلاردىڭ، اسىرەسە، ايەل شاحماتشىلاردىڭ الەمدىك ارەنادا ءوز ورنى بار. جاس ۇرپاقتىڭ ۇلگى الار تۇلعاسى بار ەكەنى ءسوزسىز. ولار - اتاقتى سپورتشىلار دينارا سادۋاقاسوۆا، جانسايا ابدىمالىك، ءبيبىسارا اساۋباەۆا جانە ت.ب.
 
ءبىر كۇن بۇرىن اتىراۋلىق 13 جاستاعى وقۋشى زارينا نۇرعاليەۆا شاحماتتان ەكى دۇركىن الەم چەمپيونى اتاندى. ول رۋمىنيادا وتكەن الەم چەمپيوناتىندا التىن مەدال جەڭىپ الدى. سونداي-اق تاعى 2 قازاقستاندىق شاحماتتان الەم چەمپيوناتىنىڭ جەڭىمپازى اتاندى. ولار - 18 جاسقا دەيىنگى ۇلدار اراسىندا قازبەك نوگەربەك كۇمىس جەڭىپ السا، 14 جاسقا دەيىنگى ۇلدار اراسىندا اڭسات الديار قولا جۇلدەگەر اتاندى. بولاشاقتا شاحماتتان دۇنيەجۇزىلىك وليمپيادالاردا وقۋشىلارىمىزدىڭ ەسىمدەرىن بىرنەشە رەت ەستيتىنىمىزگە سەنىمىم مول»، دەپ جازدى وقۋ-اعارتۋ ءمينيسترى.
سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار