مەديتسينا • 30 قىركۇيەك، 2022

ەلوردالىق دارىگەرلەر 23 اپتادا تۋعان نارەستەنى قۇتقارىپ قالدى

79 رەت كورسەتىلدى

№3 كوپسالالى قالالىق اۋرۋحانانىڭ اكۋشەرلىك بلوگى 23 اپتادا تۋعان نارەستەنى قۇتقارىپ قالدى، دەپ حابارلايدى Egemen.kz.

ومىرگە كەلگەن كەزدە ءسابيدىڭ سالماعى 600 گر، بويىنىڭ ۇزىندىعى ءبىر پاراق قاعازبەن بىردەي - 32 سم. قىزدىڭ اناسى بوسانعاننان كەيىن اۋرۋحانادا بارلىعى 124 كۇن بولعانىن ايتتى. ونىڭ ىشىندە 88 كۇن - رەانيماتسيادا، قالعان كۇندەر-جاڭا تۋعان نارەستەلەردى كۇتۋ بولىمىندە ءوتتى.

«قىزىما اياعىم اۋىر ەكەنىن بىلگەندە، ءبىز ءۇشىن بۇل ۇلكەن قۋانىش بولدى. جۇكتىلىك اسقىنۋسىز جاقسى ءوتتى. بىراق 23-ءشى اپتادا سۋ كەتىپ، مەرزىمىنەن بۇرىن بوسانۋعا تۋرا كەلدى. ءبىزدىڭ زەرەمىز 600 گرامم سالماقپەن دۇنيەگە كەلدى. جاقسى مامانداردىڭ، تاجىريبەلى دارىگەرلەردىڭ ارقاسىندا قىزىم ءتىرى قالدى»، دەپ ەسكە الادى ايەل.

4 ايدىڭ ىشىندە دارىگەرلەر مەن مەدبيكەلەر نارەستەگە ۇيرەنىپ قالدى، ونى جاقسى كورەدى. وسى ۋاقىت ارالىعىندا قىزىم ءوسىپ، سۇيەكتەرى قاتايىپ قالدى. پەرزەنتحانادان شىققان كەزدە ونىڭ سالماعى 2970 گرامم بولدى.

«بالا وتە از دەنە سالماعىمەن تۋعاندىقتان، ونىڭ جاعدايى، تىنىس الۋى اۋىر بولدى. اناسىنىڭ ماحابباتىنىڭ، بىلىكتى مامانداردىڭ، نەانوتولوگتاردىڭ ەرەكشە قامقورلىعىنىڭ ارقاسىندا بالانىڭ دەنساۋلىعىنا قاۋىپ جوق»، دەدى بالالار رەانيماتسياسى جانە قارقىندى تەراپيا ءبولىمىنىڭ مەڭگەرۋشىسى يرينا الەكساندروۆنا.

جىل سايىن №3 كوپسالالى قالالىق اۋرۋحانادا سالماعى 1500 گراممعا جەتپەيتىن 80-گە جۋىق ءسابي دۇنيەگە كەلەدى. اعىمداعى جىلدىڭ توعىز ايىندا وسى سالماقتا 50 بالا پەرزەنتحانادان شىقتى.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار