قوعام • 30 قىركۇيەك، 2022

استانادا جالعان كولىك نومىرىمەن جۇرگەندەر كوبەيدى

75 رەت كورسەتىلدى

50 مىڭنان استام ەلوردالىق جۇرگىزۋشى اكىمشىلىك قۇقىق بۇزۋشىلىق بويىنشا بەرەشەك تۋرالى حابارلاما الدى. بۇل تۋرالى پوليتسيا دەپارتامەنتىنىڭ باستىعى مارات تولەباەۆ مالىمدەدى، دەپ حابارلايدى Egemen.kz.

«قورعاۋ» موبيلدىك قوسىمشاسىن ىسكە قوسۋ باستالعاننان بەرى جالعان نومىرلىك بەلگىلەرى بار 84 جۇرگىزۋشى انىقتالدى. سونداي-اق كولىك تىزگىندەگەن 169 ادام كولىكتى باسقارۋ قۇقىعىنان ايىرىلعانى انىقتالدى. كوممۋنالدىق تۇراققا 681 كولىك قامالدى. سونىمەن قاتار 50 مىڭنان استام جۇرگىزۋشىگە اكىمشىلىك قۇقىق بۇزۋشىلىق بويىنشا 656 ملن تەڭگە سوماعا بەرەشەك تۋرالى حابارلاندى»، دەدى مارات تولەباەۆ استانا قالاسى ءماسليحاتىنىڭ وتىرىسىندا.

پوليتسيا باسشىسىنىڭ ايتۋىنشا، اباتتاندىرۋ ەرەجەلەرىن بۇزعانى ءۇشىن 13 259 بۇزۋشىعا 42،5 ملن تەڭگە ايىپپۇل سالىندى.

«قورشاعان ورتانى قورعاۋ سالاسىندا 477 قۇقىق بۇزۋشى اكىمشىلىك جاۋاپكەرشىلىككە تارتىلدى. جىل باسىنان بەرى 760 840-تان استام اكىمشىلىك قۇقىق بۇزۋشىلىق انىقتالدى. 7 ملرد تەڭگە كولەمىندە ايىپپۇل سالىندى، 5 ملرد تەڭگە ءوندىرىلدى»، دەدى م.تولەباەۆ.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار