شىمكەنت مۇناي وڭدەۋ زاۋىتىنا قىتاي بانكىسى 1 ملرد. دوللار بولەدى

استانا. 20 مامىر. شىمكەنت مۇناي وڭدەۋ زاۋىتىن مودەرنيزاتسيالاۋ مەن قايتا جوندەۋگە قىتايدىڭ ەكسپورت-يمپورت بانكى قازاقستاننىڭ دامۋ بانكىنە 1 ملرد. دوللار كولەمىندە نەسيە بەرەدى. بۇل تۋرالى primeminister.kz حابارلادى. حابارلامادا كورسەتىلگەندەي, اتالعان نەسيە جونىندەگى ناقتى كەلىسىم پرەزيدەنت نۇرسۇلتان نازارباەۆتىڭ 19-21 مامىر ارالىعىنداعى قىتايعا رەسمي ساپارى بارىسىندا ەكى ەلدىڭ مەملەكەت باسشىلارىنىڭ قاتىسۋىمەن وتكەن كەزدەسۋدە بەكىتىلدى. بۇل نەسيە ەلىمىزگە شانحاي ىنتىماقتاستىق ۇيىمىنىڭ مۇشەسى بولعانىمىز ءۇشىن جەڭىلدەتىلگەن تۇردە ۇسىنىلىپ وتىر. كەلىسىمگە «بايتەرەك» ۇلتتىق باسقارۋشى حولدينگى» اكتسيونەرلىك قوعامىنىڭ توراعاسى مەن قىتايدىڭ ەكسپورت-يمپورت بانكىنىڭ باسشىسى قول قويدى. سونىمەن قاتار, قىتاي مەملەكەتتىك دامۋ بانكى شانحاي ىنتىماقتاستىق ۇيىمى بانكارالىق بىرلەستىگى اياسىندا ەلىمىزدەگى شيكىزاتتىق ەمەس سەكتورداعى جوبالاردى قارجىلاندىرۋعا 500 ملن. دوللار ۇسىنباق. جالپى,  قىتاي قارجى ينستيتۋتتارىمەن اراداعى قارىم-قاتىناس 2008 جىلدان باستاۋ العان. 2009 جىلى نۇرسۇلتان نازارباەۆتىڭ قىتايعا رەسمي ساپارى بارىسىندا قازاقستان دامۋ بانكى مەن كورشى ەلدىڭ ەكسپورت-يمپورت بانكى اراسىندا ەنەرگەتيكا سالاسىنداعى جوبالاردى قارجىلاندىرۋعا بايلانىستى 5 ملرد. بولىنگەن. بۇگىندە بۇل قارجىنىڭ 3,1 ملرد. دوللارى تولىق يگەرىلسە, ال 500 ملن. دوللارى الدىن الا قايتارىلعان. جولدىباي بازار. دەرەككوز: primeminister.kz. فوتو: news.nur.kz.