«ەلىمىزدە جاۋاپكەرشىلىك يدەولوگياسى ورنىعۋعا ءتيىس. الەمدەگى احۋال اسا كۇردەلى بولىپ كەتتى. وسىنداي جاعدايدا بۇكىل ۇلت بولىپ ۇيىسىپ, بىرىگۋىمىز كەرەك. ءاربىر ساياساتكەر, قوعام قايراتكەرى, جۋرناليست, بلوگەر نەمەسە جالپى ازاماتتار ءسوزى مەن ارەكەتىنىڭ جاۋاپكەرشىلىگىن سەزىنۋگە ءتيىس. قازىر ءار ءىسىمىز مەملەكەت مۇددەسىنە ساي بولۋى قاجەت. ءبىزدىڭ قازاقستاننان باسقا وتانىمىز جوق», دەدى ق.توقاەۆ.
ونىڭ ايتۋىنشا, شەتەلدە ءبىزدىڭ جەتىستىكتەرىمىزدى كورە المايتىن ادامدار از ەمەس. ولار, ءتىپتى, ءبىزدىڭ ەلىمىزگە اقپاراتتىق شابۋىل دا ۇيىمداستىرادى.
«ونىڭ ءبارىن كورىپ وتىرمىز. مىنە, ءبىز ەلگە قاتەر توندىرەتىن وسىنداي تەرىس ۇردىستەردىڭ دە بار ەكەنىن ۇمىتپاۋىمىز كەرەك. ەڭ باستى ماقسات – مەملەكەتتىڭ مۇددەسى. وتانىمىزدى وركەندەتۋگە بۇكىل قوعام بولىپ جۇمىلۋىمىز كەرەك. ايماقتاردى دامىتۋعا مەملەكەت قانا ەمەس, بيزنەس وكىلدەرى دە اتسالىسۋى قاجەت. سوندىقتان, مەن وسى وڭىردەن شىققان ىسكەر ازاماتتاردى اباي وبلىسىن بىرگە كوركەيتۋگە شاقىرامىن», دەدى مەملەكەت باسشىسى.
