وزبەكستان, قىرعىزستان, ازەربايجان, رەسەي, ماجارستان, نيدەرلاند, وڭتۇستىك كورەيا جانە ەل وڭىرلەرىنەن جينالعان عالىمدار قالامگەر رۋحىنا تاعزىم ەتىپ, قۇران باعىشتادى.
م.اۋەزوۆ اتىنداعى ادەبيەت جانە ونەر ينستيتۋتى, تürksoy حالىقارالىق ۇيىمى, حالىقارالىق تۇركى اكادەمياسى, قازاقستان جازۋشىلار وداعى, الماتى قالاسى اكىمدىگىنىڭ ۇيىمداستىرۋىمەن وتكەن اۋقىمدى ءىس-شارا دوستىق ۇيىندە «م.اۋەزوۆ مۇراسى جانە الەمدىك وركەنيەت» اتتى حالىقارالىق عىلىمي-پراكتيكالىق كونفەرەنتسيامەن جالعاستى.
كونفەرەنتسيا بارىسىندا عالىمدار قالامگەردىڭ مول مۇراسىنا جان-جاقتى تالداۋ جاساي وتىرىپ, ەڭبەكتەرىنىڭ عالامدىق دەڭگەيدەگى مازمۇنى مەن مانىنە نازار اۋداردى. جيىن مودەراتورى, م.اۋەزوۆ اتىنداعى ادەبيەت جانە ونەر ينستيتۋتىنىڭ باس ديرەكتورى كەنجەحان ماتىجانوۆ وتاندىق عالىمدار الدىندا اۋەزوۆ مۇراسىن الەمدىك وركەنيەت كەڭىستىگىنە شىعارۋ مىندەتى تۇرعانىن اتاپ ءوتتى. «قالامگەر ءوز شىعارمالارىندا قازاقى تۇرمىستى سۋرەتتەگەنىمەن, ونىڭ ءون بويىندا جالپى ادامزاتقا ءتان اۋقىمدى ماسەلەلەر كورىنىس تاپتى. «اباي جولى», «قيلى زامان», «قاراش-قاراش» ەڭبەكتەرى وسىعان دالەل دەيتىن بولساق, قالامگەردىڭ العاشقى كلاسسيكالىق تۋىندىلارى ءداۋىردىڭ جەمىسى دەسەك, شىعىس مادەنيەتىنىڭ ارناسىن كەڭەيتۋدەگى ەڭبەگى ولشەۋسىز. وسى ورايدا الەمدىك ءبىلىم مەن ءىلىمنىڭ ءىنجۋ-مارجانىن قازاق توپىراعىنا اكەلگەن الاشتىڭ ادەبي مۇراسىن قازاق توپىراعىنا ورنىقتىرا بىلگەن قالامگەردىڭ مۇراسىن زەرتتەۋدەگى ەڭ باستى ماسەلە – سوتسياليستىك رەاليزم باعىتىنداعى كوزقاراستاردان ارىلىپ, الەمدىك دەڭگەيگە شىعارۋ», دەپ اتاپ ءوتتى ك.ماتىجانوۆ. سوندىقتان بۇگىنگى جاس عالىمداردىڭ الدىندا جازۋشى مۇراسىنا جاڭاشا, تىڭ كوزقاراسپەن قاراپ, الەمدىك وركەنيەت تۇرعىسىنان زەردەلەيتىن كەز كەلدى.
القالى جيىندا مادەنيەتتانۋشى-عالىم مۇرات اۋەزوۆ, وزبەكستاندىق عالىم, اكادەميك ق.سەيدانوۆ, اقىن, قوعام قايراتكەرى و.سۇلەيمەنوۆ, ماجارستاننان كەلگەن پروفەسسور ۆ.ۆەگۆاري, قازاقستان جازۋشىلار وداعى باسقارما توراعاسىنىڭ ورىنباسارى, پروفەسسور ب.جاقىپ, نيدەرلاندتان – زيفا-الۋا اۋەزوۆا, سانكت-پەتەربۋرگتەن – ف.دوستوەۆسكي ادەبي-مەموريالدىق مۋزەيىنىڭ ديرەكتورى ن.اشىمباەۆا, ازەربايجاننان – باكۋ سلاۆيان ۋنيۆەرسيتەتىنىڭ پروفەسسورى نيزامي مامەدوۆ, تاعى دا باسقا عالىمدار جازۋشى ەڭبەكتەرىنىڭ الەمدىك وركەنيەتتەگى ورنى تۋراسىندا زەردەلى ويلارىن ورتاعا سالىپ, جالپىادامزاتتىق قۇندىلىقتارعا نەگىزدەلگەن وزىق يدەيالارىن وسكەلەڭ ۇرپاقتىڭ بويىنا ءسىڭىرۋ, قالامگەر مۇراسىنداعى الاش پاراديگماسى, قازاق جانە الەم ادەبيەتىنىڭ ادەبي بايلانىسىنا قاتىستى وي ءوربىتتى.
وسى جيىن بارىسىندا حالىقارالىق تۇركى اكادەمياسى شىعارعان «م.اۋەزوۆ «ماناس» قىرعىزدىڭ باتىرلىق ەپوسى», «Muxtar Auezov. Abay (roman)», «Turan Teymur. M.Auezovun Abay romanında ءsاnاtkarlıg ءmاsاlاlاrı» جانە م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى شىعارعان «م.اۋەزوۆتىڭ وڭتۇستىككە ساپارى», م.اۋەزوۆ اتىنداعى ادەبيەت جانە ونەر ينستيتۋتىنىڭ عىلىمي قىزمەتكەرى گ.ءپىرالى دايىنداعان «امەريكا اسەرلەرى» ارنايى شىعارىلىمى تانىستىرىلىپ, عالىمدار نازارىنا ۇسىنىلدى.
الماتى
