قازاقستان • 29 قىركۇيەك، 2022

قازاقستاندا Meta-نىڭ ارنايى سەرىكتەس وكىلى تاعايىندالادى

92 رەت كورسەتىلدى

بۇل تۋرالى اقپارات جانە قوعامدىق دامۋ ءمينيسترى دارحان قىدىرالى فەيسبۋكتەگى پاراقشاسىندا جازدى، دەپ حابارلايدى Egemen.kz.

«بۇگىن Meta كومپانياسىنىڭ مەملەكەتتىك ورگاندارمەن بايلانىس جونىندەگى باسقارۋشى ديرەكتورى (George Chen) دجوردج چەن مىرزامەن ارنايى كەزدەستىم. بۇل چەن مىرزانىڭ ەلىمىزگە العاشقى ساپارى ەكەن.

وزدەرىڭىزگە بەلگىلى، Meta كومپانياسى Facebook، Instagram، WhatsApp جەلىلەلەرىنە يەلىك ەتەدى.

الەمگە ايگىلى كومپانيا وكىلىنە ءبىرشاما جوبالاردى بىرگە ويلاستىرىپ، وزەكتى ماسەلەلەردى ىنتىماقتاسا وتىرىپ شەشۋدى ۇسىندىم.

ماسەلەن قازاق ءتىلى قازاقستاندا عانا ەمەس، الەمنىڭ بىرنەشە ەلىندە كەڭ قولدانىسقا يە ەكەنىن ەسكەرىپ، Instagram جەلىسىنىڭ قازاق تىلىندەگى ينتەرفەيسىن جاساۋ ماسەلەسىن ايتتىم»، دەپ جازدى مينيستر.

ونىڭ ايتۋىنشا، Instagram جەلىسىنىڭ قازاق تىلىندەگى ينتەرفەيسىن جەلىدەگى مەملەكەتتىك ءتىلدىڭ قولدانىس اياسىن ۇلعايتادى. 

«سونداي-اق نيۋ مەديا تاقىرىبى بويىنشا ءباسپاسوز حاتشىلارىن وقىتۋ، بالالار كونتەنتىن جاساۋ، كونتەنتتى ۆەريفيكاتسيالاۋ، ت.ب. جايلاردى بىرلەسىپ اتقارۋدى ۇسىندىم ءارى جۋىردا وتەتىن Astana Media Week جانە Central Asian Media Forumىنا شاقىردىم.

كومپانيا وكىلى ۇسىنىستارىمدى ىستىق ىقىلاسپەن قابىل الىپ، قولداۋ بىلدىرۋگە دايىن ەكەنىن ايتتى.  بۇيىرسا، قازاقستاندا جۋىردا Metaنىڭ ارنايى سەرىكتەس وكىلى تاعايىندالادى. ەلىمىزدەگى وكىل ارقىلى دا Metaمەن تىعىز جۇمىس ىستەيمىز. شەتەلدىك ارىپتەستەرمەن كاسىبي بايلانىستى كۇشەيتە بەرەمىز»، دەلىنگەن جازبادا.

سوڭعى جاڭالىقتار

الماتىدا ەكى اۆتوبۋس سوقتىعىستى

ايماقتار • بۇگىن، 11:33

ۇقساس جاڭالىقتار