ەلەكتروندى كوممەرتسيانىڭ ۇلەسى ارتادى

استانادا ASTEX-2014 حالىقارالىق كورمە-كونفەرەنتسياسى ءوز جۇمىسىن باستادى. جىل سايىنعى ءداستۇر بويىنشا بيىلعى جىلى دا كورمەگە شەتەلدىك سپيكەرلەر – ءىرى كومپانيالاردىڭ باسشىلارى, ينۆەستورلار, بيزنەس-ترەنەرلەر, الەمدىك ينتەرنەت-بيزنەستىڭ ويىنشىلارى, ساراپشىلار قاتىسۋدا, دەپ حابارلادى بايلانىس جانە اقپارات اگەنتتىگىنىڭ ءباسپاسوز قىزمەتى. كورمە-كونفەرەنتسيانىڭ رەسمي اشىلۋ سالتاناتىندا پرەمەر-مينيستر كارىم ءماسىموۆتىڭ اتىنان بايلانىس جانە اقپارات اگەنتتىگىنىڭ توراعاسى اسقار جۇماعاليەۆ قاتىسۋشىلارعا العىسوز ارنادى. توراعا ەلەكتروندىق كوممەر­تسيا­نىڭ دامۋى ءۇشىن ينفرا­قۇرىلىمدىق قۇرال سانالاتىن اقپاراتتىق كوم­مۋنيكاتسيالىق تەحنولوگيالار (اكت) سالاسىنا مەملەكەت تاراپىنان كورسەتىلىپ جاتقان قولداۋلار تۋرالى ايتىپ ءوتتى. اتاپ ايتقاندا, «اقپاراتتىق قازاقستان-2020» مەم­لەكەتتىك باعدارلاماسىندا قاراس­تىرىلعان كەشەندى ءىس-شارالاردى جۇزەگە اسىرۋدىڭ, بايلانىستىڭ جاڭا تەحنولوگيالارىن ەنگىزۋدىڭ, بايلانىس پەن ينتەرنەتتىڭ جىلدامدىعىن ارتتىرىپ, قىزمەت باعاسىن ارزانداتۋدىڭ ارقاسىندا 2020 جىلعا قاراي ەلەكتروندىق كوممەرتسيانىڭ جالپى تاۋارلار مەن قىزمەتتەر نا­رى­عىنداعى ۇلەسىن 10%-عا جەتكىزۋ كوزدەلۋدە. شاقىرىلعان قوناقتاردىڭ اراسىنان Cars.com-نىڭ نەگىزىن قالاۋشى جانە وڭتۇستىك كورەيا پرەزيدەنتىنىڭ كەڭەسشىسى يانگ يم چو, رەيتينگتىك كورسەتكىشكە سايكەس اقش-تاعى ەكىنشى ەلەكتروندىق كوممەرتسيا نارىعىنىڭ قاتىسۋشىسى – NewEgg كومپانياسىنىڭ باس ديرەكتورى روبەرت بەللاك, Cybersecurity Malaysia كومپانياسىنىڭ باس ديرەكتورى ا.وحاب ءسوز سويلەدى. ايتىپ وتكەن ءجون, مامىردىڭ 19-20-سى كۇندەرى «قازمەديا ورتا­لىعىنداعى» حالىقارالىق كورمە-كونفەرەنتسيا اياسىندا سيليكون القابىنىڭ جاڭاشىلدارى وزدەرىنىڭ باياندامالارىن كوپشىلىك نازارىنا ۇسىنادى. سونداي-اق, ىنتىماقتاستىق مەموراندۋمدارىنا قول قويىلادى. ASTEX-2014 شاراسى شەڭبەرىندە ەلەك­تروندىق كوممەرتسيا جانە لوگيس­تيكا, ەلەكتروندىق بيزنەس سالا­سىن­داعى يننوۆاتسيالىق ونىمدەر, B2C جانە B2B-دە اكت سالاسىن دا­مىتۋ ماسەلەلەرى تالقىلانىپ, گولو­گرافيالىق ۆيزۋالداۋدىڭ سوڭعى تەحنولوگيالارى, 3D-پرينتەرلەر مەن اكت سالاسىنداعى وزگە دە جاڭا­شىلدىقتار ۇسىنىلادى. كونفەرەنتسيانىڭ العاشقى كۇنى ارنايى شاقىرىلعان سپيكەرلەر ە-كوممەرتسياداعى سوڭعى ۇردىستەر تۋرالى اڭگىمەلەپ بەردى. MuckerLab, eBay, TripAdvisor نەگىزىن قالاۋشى ەريك راننالا كرەمني القابىنداعى ريتەيل تەحنولوگياسىنا ينۆەستيتسيا تارتۋ قۇپيالارىمەن ءبولىستى. ال, تاعى ءبىر تانىمال مەنتور – EyeFinder كومپانياسىنىڭ نەگىزىن قالاۋشى جانە جەتەكشىسى ولە ايكحورن ءونىمدى ءتۇ­سىرىلگەن سۋرەتتىڭ كومەگىمەن ۆي­زۋالدى ىزدەستىرۋدىڭ پايدالى تەحنو­لو­گيا­لارى تۋرالى اڭگىمەلەپ بەردى. «اكت دامىتۋ قورىنىڭ» باس ديرەك­­تورى سانجار كەتتەبەكوۆ «وڭ كوز­قا­راستاعى اۋديتوريانىڭ قۇنى قانشا؟» دەگەن سۇراققا جاۋاپ قايتاردى. «ءموبيلدى ينفوكوممۋنيكا­تسيا­لار»: 4G ءموبيلدى قۇرىلعىسىن قولدانۋشىلاردان باستاپ M2M بىرگە قوعامنىڭ, يندۋستريانىڭ جانە ءومىر ءسۇرۋ سالتىنىڭ راديكالدى ترانسفورماتسيالانۋىنا (تۇرلەنۋىنە) دەيىنگى كوممەرتسيالىق سەرۆيستەردى دامىتۋ كەلەشەگى كوپشىلىك تالقىسىنا تۇسەتىن ارنايى تاقىرىپ بولدى. «بولاشاقتىڭ ءموبيلدى ەكوجۇيەسى قانداي؟» دەگەن تاقىرىپقا ارنالعان بولىمدە «قازاقتەلەكوم» اق-تىڭ توراعاسى ك. ەسەكەەۆ, «Altel» اق-تىڭ باسقارما توراعاسى م.ساۋرانبەكوۆ, TeliaSonera كومپانياسىنىڭ دەپارتامەنت ديرەكتورى د.وبەرگ جانە باسقا دا سپيكەرلەر ءوز ويلارىن ورتاعا سالدى. «اقىلدى لوگيستيكا» تاقى­رى­بىن­داعى پلەنارلىق سەسسيادان سوڭ ساراپشىلار دوڭگەلەك ۇستەل باسىنا جينالىپ, «قر ە-كوممەرتسيانىڭ شۇ­عىل دامۋىنىڭ العىشارتتارىن» تالقىلادى. ASTEX-2014 كورمە-كون­فە­رەن­تسياسىن بايلانىس جانە اقپارات اگەنتتىگى, «زەردە» ۇلتتىق ينفوكوممۋنيكاتسيا حولدينگى»اق, «اكت دامىتۋ قورى» كق ۇيىمداستىرىپ وتىر.