كەڭەس پەن توپتىڭ بىرلەسكەن وتىرىسى

قازاقستان رەسپۋبليكاسى پارلامەنتىنىڭ ماجىلىسىندەگى «نۇر وتان» پارتياسىنىڭ فراكتسياسى جانىنداعى وڭىرلىك ساياسات جونىندەگى كەڭەس پەن «نۇر وتان» پارتياسىنىڭ سايلاۋالدى تۇعىرناماسىنىڭ «يننوۆاتسيالىق ەكونوميكا» باعىتى بويىنشا ساراپتاما توبى بىرلەسكەن وتىرىس وتكىزدى. وتىرىستا «جاسىل كوپىر» يدەياسى ىسكە اسىرىلاتىن مۇناي جانە گاز سالالارىنداعى يننوۆاتسيالار جانە مۇناي-گاز جوبالارىنا قاتىسۋشى قازاقستاندىق ۇيىمداردى كوبەيتۋ» تاقىرىبى تالقىلاندى. باسقوسۋدى ءماجىلىس دەپۋتاتى, «نۇر وتان» پارتياسىنىڭ فراكتسياسى جانىنداعى وڭىرلىك ساياسات جونىندەگى كەڭەس مۇشەسى, «نۇر وتان» پارتياسىنىڭ سايلاۋالدى تۇعىرناماسىنىڭ «يننوۆاتسيالىق ەكونوميكا» باعىتى بويىنشا كۋراتورى مەيرام پىشەمباەۆ جۇرگىزدى. مۇناي جانە گاز ءمينيسترىنىڭ ورىنباسارى ماعزۇم مىرزاعاليەۆ «قازاقستاننىڭ مۇناي جانە گاز سالاسىنداعى يننوۆاتسياسى: ايرىقشا جوبالار», – دەگەن تاقىرىپتا بايان­داما جاسادى. «يننوۆاتسيا جانە سەرىكتەستىك ارقىلى قازاقستاندىق قامتۋدى دامىتۋ» اتتى تاقىرىپتى «تەڭىزشەۆرويل» جشس باس ديرەكتورى تيم ميللەر تاراتىپ ايتىپ بەردى. قازاقستان جۇرتشىلىعىنىڭ الدىندا بەدەلدى بولۋدى ماقسات ەتكەن كومپانيا قازاقستاندىق قامتۋدىڭ دامىتۋ ستراتەگياسىن قولعا العان. ول ءۇشىن مۇمكىندىكتەر جاساۋ, قۋاتتاردى دامىتۋ, ءبىلىم جانە تاجىريبەمەن ءبولىسۋ, قازاقستاندىق مامانداردى بارىنشا پايدالانۋ قاجەت. قازاقستاننىڭ ماشينا جاساۋشىلار وداعىمەن ىنتىماقتاسىپ, شاعىن جانە ورتا بيزنەستى دامىتۋ باعدارلاماسى جاسالعان. شەتەل ازاماتتارىن ۇلتتىق قىزمەتكەرلەرمەن الماستىرىپ, باسشىلىق ساباقتاستىعى جالعاستىرىلۋدا. بۇگىندە جۇمىسشىلار اراسىنداعى قازاقستان ازاماتتارىنىڭ ۇلەسى 87 پايىزعا جەتكەن. ورتا جانە جوعارى بۋىن باسشىلاردان قازاقستان ازاماتتارى – 76 پايىز. وتىرىسقا ءماجىلىس دەپۋتاتتارى جانە مۇناي-گاز سەكتورىنداعى جەتەكشى كومپانيالار وكىلدەرى مەن ورتالىق مەملەكەتتىك ۇيىمدار باسشىلارى قاتىستى, دەپ حابارلادى ءماجىلىستىڭ ءباسپاسوز قىزمەتى.