ءتيىمدى ىنتىماقتاستىققا ازىرلىك

پارلامەنت ءماجىلىسىنىڭ حالىقارالىق ىستەر, قورعانىس جانە قاۋىپسىزدىك كوميتەتىنىڭ توراعاسى ماۋلەن اشىمباەۆ بۇۇ جوعارعى كوميسسارى باسقارماسىنىڭ ورتالىق ازياداعى بوسقىندار ءىسى بويىنشا جاقىندا تاعايىندالعان ايماقتىق وكىلى بارنارد دويلمەن كەزدەستى. جۇزدەسۋ بارىسىندا ايماقتىق جانە جاھاندىق قاۋىپسىزدىك ماسەلەلەرىنە قاتىستى كەڭ كولەمدە پىكىر الماسىلدى. – قازاقستان بۇۇ جوعارعى كوميسسارى باسقارماسىنىڭ ورتالىق ازياداعى بوسقىندار ءىسى بويىنشا ءتيىمدى ىنتىماقتاستىققا ايماقتىق دەڭگەيدە دايىن. سونىڭ ءبىر كورىنىسى وتكەن جىلى ماۋسىم ايىندا الماتىدا حالىقارالىق كوشى-قون جانە بوسقىنداردى قورعاۋ ماسەلەسى بويىنشا بىرلەسىپ وتكىزىلگەن مينيسترلىك كونفەرەنتسياسى بولىپ تابىلادى, – دەپ اتاپ ءوتتى ءوز سوزىندە م.اشىمباەۆ. ب.دويل ءوز كەزەگىندە قازاقستاننىڭ ورتالىق ازيا ايماعى مەن الەمدىك دەڭگەيدەگى ءرولىن ايىرىقشا باعالاپ, ەل تاۋەلسىزدىگىن العالى از ۋاقىتتا جەتكەن وسىنشا جەتىستىكتەر ۇلتارالىق كەلىسىم مەن بەيبىتشىلىكتى ساقتاۋدىڭ, جاقسى زاڭدار مەن ءتيىمدى باسقارۋدى جەتىلدىرىپ وتىرۋدىڭ ناتيجەسى ەكەندىگىن اتاپ ءوتتى. تاراپتار ورتالىق ازيا ەلدەرىندە تۇراتىنداردىڭ, ونىڭ ىشىندە اۋعانستانداعى بوسقىندار ماسەلەسىن شەشۋدە جاڭا جولداردى ىزدەۋ باعىتىندا كۇش بىرىكتىرۋ قاجەتتىگى تۋرالى ورتاق پىكىر ءبىلدىردى. ب.دويل قازاقستاننىڭ اۋعانستانعا كورسەتىپ وتىرعان جان-جاقتى ىزگىلىكتى جانە قارجىلاي كومەگى سول ەلدىڭ تۇراقتىلىعىنا ۇلكەن كومەك ەكەنىن جەتكىزدى. سونىمەن قاتار, قازاقستاندىق جوو-لاردىڭ اۋعان ستۋدەنتتەرىن ستيپەنديالىق باعدارلامامەن وقىتىپ جاتقاندارىنا توقتالدى. كەزدەسۋ قورىتىندىسىندا م.اشىمباەۆ مەيمانعا ىنتىماقتاستىققا دەگەن ىقىلاسى مەن ازىرلىگى ءۇشىن ريزاشىلىعىن ءبىلدىردى, دەپ حابارلادى ءماجىلىستىڭ ءباسپاسوز قىزمەتى.