تاراپتار بانكتىڭ قازاقستانداعى قازىرگى جوبالارى مەن الداعى جوسپارلارىن, مەملەكەت باسشىسىنىڭ 2022 جىلعى 1 قىركۇيەكتەگى قازاقستان حالقىنا جولداۋىندا بەلگىلەگەن ۇكىمەتتىڭ رەفورمالاردى جۇرگىزۋ جونىندەگى شارالارىن, دۇنيەجۇزىلىك بانكتىڭ 2020-2025 جىلدارعا ارنالعان ارىپتەستىك تۋرالى نەگىزدەمەلىك ستراتەگياسىن ىسكە اسىرۋ بارىسىن جانە باسقا دا بىرقاتار ماسەلەلەردى تالقىلادى.
پرەمەر-مينيستر بانكتىڭ بەلسەندى قولداۋىنىڭ ارقاسىندا ەلىمىزدە سەرپىندى الەۋمەتتىك-ەكونوميكالىق دامۋعا باعىتتالعان جوبالار تابىستى جۇمىس ىستەپ جاتقانىن اتاپ ءوتتى.
«قازىرگى ۋاقىتتا دۇنيەجۇزىلىك بانكپەن بىرلەسىپ بىرقاتار جاڭا جوبالار پىسىقتالىپ جاتىر. ۇكىمەت ولاردى جۇزەگە اسىرۋ مۇمكىندىگىن ەگجەي-تەگجەيلى قاراستىرۋعا ءازىر», دەدى ءاليحان سمايىلوۆ.
سونىمەن قاتار ۇكىمەت باسشىسى بۇگىنگى تاڭدا مەملەكەت زاڭ شىعارۋ بيلىگى ينستيتۋتىن نىعايتۋ جانە ءادىل باسەكەلەستىكتى كۇشەيتۋ, جەكە مەنشىكتى قورعاۋ, دەمونوپوليزاتسيالاۋ جانە ت. ب. ارقىلى ەكونوميكانى ساپالى جاڭعىرتۋعا باعىتتالعان رەفورمالار بويىنشا بەلسەندى تۇردە جۇمىس ىستەپ جاتقانىن اتاپ ءوتتى.
«وسى شارالاردىڭ بارلىعى بيزنەستىڭ مۇددەلەرى مەن قۇقىقتارىن قورعاۋ جۇيەسىن بارىنشا نىعايتادى, وتاندىق كاسىپكەرلەر ءۇشىن دە, شەتەلدىك ينۆەستورلار ءۇشىن دە كەڭ اۋقىمدى ەكونوميكالىق مۇمكىندىكتەر اشادى. وسىعان بايلانىستى ءبىز رەفورمالاردى قولداۋ جونىندەگى باستامالاردى قۇپتايمىز», دەدى ءاليحان سمايىلوۆ.
ءوز كەزەگىندە اننا بەردە قازاقستان مەن دۇنيەجۇزىلىك بانك ۇزاق ۋاقىتتان بەرى ءوزارا ىنتىماقتاستىقتى جالعاستىرىپ كەلە جاتقانىن اتاپ ءوتتى. ماسەلەن, وتكەن جىلدار ىشىندە $8 ملرد-تان استام سوماعا 47 جوبا تابىستى ىسكە اسىرىلدى.
«جاڭا ەكونوميكالىق سىن-قاتەرلەر كەزىندە ىسكە اسىرعىمىز كەلەتىن جوبالاردى الدىن الا جوسپارلاۋ كەرەك. ءبىزدىڭ ىنتىماقتاستىقتى كەڭەيتۋگە مۇمكىندىكتەرىمىز بار دەپ سانايمىن», دەدى اننا بەردە.
