ءداستۇرلى ءان ورىنداۋشىلارعا ارنالعان بايقاۋ وتەدى

امىرە  قاشاۋباەۆ اتىنداعى ءداستۇرلى ءان ورىنداۋشىلارىنىڭ بايقاۋى باعى مەن بابىن سىنايتىن ەڭ جوعارعى دەڭگەيدەگى ءان دوداسى بولىپ ەسەپتەلەدى.

بۇل بايقاۋ ەڭ العاش 1980 جىلى باستاۋ العان. بۇگىنگى ساحنادا ونەر كورسەتىپ جۇرگەن ءان ونەرىنىڭ ساڭلاقتارى – م. مۇكامانوۆ، س.جانپەيىسوۆا، س.وسپانوۆ، ع.مۇحامەدين،  ب.ۇدەرباەۆا، د.ومىراليەۆ، ا.قوسانوۆا، ە.ايتباەۆ،  ە.شۇكىمانوۆ،  ر.ستامعازيەۆ، ە.رىسقالي، تاعى باسقا جاس تالانتتار اتالعان بايقاۋعا قاتىسىپ، جۇلدەلى ورىندارعا يە بولىپ، ءان ونەرىنىڭ دامۋىنا ۇلكەن ۇلەسىن قوسىپ كەلەدى. 

بايقاۋدىڭ نەگىزگى ماقساتى: 

1) قازاق حالقىنىڭ ءداستۇرلى ءان ونەرىن دامىتۋ ءۇشىن جاعداي جاساۋ، وسكەلەڭ ۇرپاقتى ەستەتيكالىق تاربيەلەۋدە ءرولىن كۇشەيتۋ;

2) ورىنداۋشىلاردىڭ كاسىبي شەبەرلىگىن ارتتىرا وتىرىپ، قازاقستاندىق ءپاتريوتيزمدى جانە ۇلتتىق مادەنيەتكە دەگەن سۇيىسپەنشىلىكتى قالىپتاستىرۋ;

3) ءان ونەرىندەگى ۇرپاق ساباقتاستىعىن جالعاستىرۋ.

بايقاۋ 2022 جىلعى 18-19 قازان ايى ارالىعىندا الماتى قالاسىندا وتكىزىلەدى.

شاراعا وبلىستار، رەسپۋبليكالىق ماڭىزى بار قالالار، كونكۋرستاردىڭ جەڭىمپازدارى قاتىسا الادى.

بايقاۋدىڭ ءوتۋى جانە قورىتىندىسىن شىعارۋ 2022 جىلدىڭ   19 قازانىندا وتەدى. قاتىسۋشىلاردىڭ ونەر كورسەتۋ ءتارتىبى جەرەبە تاستاۋ ارقىلى بەلگىلەنەدى.

گران-پري يەگەرلەرى، جەڭىمپازدار مەن بايقاۋ لاۋرەاتتارىنىڭ قاتىسۋىمەن گالا-كونتسەرت 2022 جىلدىڭ 19 قازانىندا ساعات 19.00-دە جامبىل اتىنداعى قازاق مەملەكەتتىك فيلارمونياسىنىڭ ۇلكەن زالىندا وتەدى.

بايقاۋعا قاتىسۋ  شارتتارى، قوياتىن تالاپتارى جامبىل اتىنداعى قازاق مەملەكەتتىك فيلارمونياسىنىڭ ينتەرنەت-رەسۋرسىندا ورنالاستىرىلدى.